Не
треба веднаш да посегнувате по апчињата
Секој
шести човек во светот добива главоболка барем еднаш во текот на денот, покажа
минатогодишното истражување. Доколку сте меѓу оваа маса на луѓе, секако ќе ви
биде корисно да дознаете повеќе за природните начини како да се ослободите од
непријатните болки.
Мнозинството
луѓе ќе се одлучат за брзо решение, во форма на парацетамол, ибупрофен или
некој друг аналгетик, но некои видови главоболки може да се решат на други
начини.
1. Масирајте го вратот
Опуштањето
на мускулите на вратот и грбот е особено корисно ако страдате од тензични
главоболки. Исто така, притиснете го коренот на черепот со врвовите на прстите
и тоа може да биде доволно за само неколку минути од ваквата масажа.
2. Зајакнете ги мускулите на вратот
Поминете
најмалку минута или две дневно во насочени вежби. Можете да ги правите и додека
седите, на пример, со ставање на дланката на образот и увото, а потоа
притискајќи ја со главата за да го почувствувате отпорот. Притиснете десет
секунди и потоа префрлете ја страната.
3. Пијте повеќе вода
Дехидрацијата
многу често може да предизвика главоболки. Обидете се да пиете најмалку 8
големи чаши вода секој ден. Ако сте пропуштиле да го направите ова неколку
часа, а потоа почувствувате главоболка, обидете се прво да испиете една или две
чаши вода пред да се одлучите за аналгетик. Пијте полека, голтка по голтка,
минута или две, за полека да ги рехидрирате ткивата.
4. Наспијте се
Бројни
студии ја нагласуваат здравствената важност на доволно сон. Препораките се
различни, па затоа се препорачува 6 до 11 часа сон за возраст од 18 до 80
години. Поблискиот просек би бил помеѓу 7 и 9 часа, а најважно е да се
чувствувате целосно одморени.
5. Проверете ја состојбата на забите
Често
се случува утринската главоболка да има корени во стегањето на вилиците кое се
јавува за време на спиењето. Проверете ја состојбата на вилиците кај вашиот
стоматолог и евентуално побарајте штитник за уста што ќе ви помогне да се
ослободите од овој проблем.