Connect with us

Радовиш

ЈАВЕН ПОВИК за распределба на средства од Буџетот на општина Радовиш

Avatar

Published

на

Објавен е JАВЕН ПОВИК за распределба на средства од Буџетот на општина Радовиш на здруженија на граѓани и други правни лица од областа на социјалната, детска и здравствена заштита во општина Радовиш за 2023 година

Потребни документи за поднесување се :

-пријава по јавен повик

-годишна програма за работа и финансиски план за 2023 год.;

-извештај за потрошените средства добиени од општина Радовиш за 2022 год.;

-копија од завршна сметка (за здруженија чии годишен приход е поголем од 2,500 евра) или копија од одлука од Цент.регистар (доколку год. приход е помал од 2,500 евра);

-копија од тековна состојба од Цент.регистар на Р.С.М. (не постара од 6 месеци);

-потврда за отворена и активна жиро сметка.

  • Период за доставување на документите е 7 (седум) дена од денот на објавувањето на јавниот повик, заклучно со 21.03.2023 год.
  1. Пријавите се поднесуваат на адреса :

ЕЛС општина Радовиш, бул. „Александар Македонски“ бр. 7, 2420 Радовиш, или директно во архивата на ЕЛС општина Радовиш.

Напомена: Пријавите со нецелосна документација како и оние што нема да бидат доставени во наведениот рок, нема да бидат разгледувани.

Радовиш

Улицата „Видое Смилевски Бато“ во Радовиш, конечно е асфалтирана, 25-годишен проблем на граѓаните

Avatar

Published

на

Денеска беше асфалтирана улицата „Видое Смилевски Бато“ во Радовиш, после двеипол децении чекање и молење до надлежните служби, од страна на граѓаните кои што живеат на оваа улица. Тие денеска со неверување го гледаа асфалтирањето.

Градоначалникот Ацо Ристов вели дека ова е историски момент за овие граѓани. Како општина издвоиле околу 120 илјади евра од Буџетот на Општина Радовиш за изградба на улицата.

„Коментарите на граѓаните беа дека, еве после двеипол децении конечно доаѓаат до современа и модерна улица по сите стандарди. Денеска се става вториот слој асфалт на улицата и со ова покажуваме дека ние тоа што ќе го ветиме и го правиме“, рече градоначалникот Ристов.

Истовремено како што рече Градоначалникот Ристов се продолжува работата и на улицата -обиколница која ќе се спои со „Видое Смилевски Бато“  и тогаш ќе се доасфалтира оној дел од околу 20-тина метри кој сега останува неасфалтиран на крајот од улицата.

Граѓаните не го криеја задоволството од изградбата на нивната улица бидејќи како што велат, многу кал изгазиле на оваа улица и при најмал дожд. Многу ветувања речиси пред секои избори, но ниту едно не било исполнето, се досега.

„Се додека не замириса на асфалт, неверувавме дека ќе биде асфалтирана нашата улица, но еве се случи после 25 години“, велат дел од граѓаните.

Улицата е во должина околу 500 метри, со тротоари кои се спојуваат со дворовите пред куќите со што оваа населба добива нов и современ изглед.

Прочитај повеќе

Радовиш

Вчера во СРЦ „25 Мај“ се одиграа полуфинални дуели во машка категорија од одбојкарскиот куп на Македонија

Avatar

Published

на

Од вчера започна одбојкарскиот куп на Македонија кој се одржува во Радовиш. Во СРЦ „25 Мај“ се одиграа полуфинални дуели во машка категорија од одбојкарскиот куп на Македонија.

Градоначалникот Ацо Ристов ги повика радовишани да го проследат овој несекојдневен спортски настан во спортската сала во Радовиш.

Победници во полуфиналето се: Одбојкарски клуб „Струмица Никоб“ и Градски одбојкарски клуб „Борец“ од Велес. Финалето е утре, Сабота во 13:00 часот.

Денес во 17:30 часот ќе се одиграт полуфинални дуели во женска категорија.

Прочитај повеќе

Радовиш

Тренчевска оствари средба со жени во Радовиш од различна етничка припадност

Avatar

Published

на

Министерката за труд и социјална политика, Јованка Тренчевска се сретна и со жени во Радовиш од различна етничка припадност како и жени кориснички на услуги и права од Центрите за социјална работа.

Заедно со директорот на Центарот за социјална работа во Радовиш, Александар Филев и претставниците на Министерството за труд и социјална политика и жените од Радовиш во рамките на кампањата „Гласна и храбра“ се развило дискусија за секојдневните предизвици во општината.
Жените кои беа присутни на дискусијата беа активно вклучени и несебично ги раскажаа предностите и предизвиците на секојдневниот живот во Радовиш. Темата беше во насока на начинот на живот на радовишани, можностите за вработување во општината како и можностите за доквалификација и преквалификација. Од страна на Министерката за труд и социјална политика беше истакната важноста на економското зајакнување и менталното здравје, таа ги поттикна жените кои досега не биле во работен однос да се охрабрат и да се вклучат на пазарот на труд. Како што Тренчевска објасни на средбата од особена важност е финансиската стабилност во поодминати години од животот. За таа цел беа дискутирани новите можности за вработување кои ги нуди Европа како и усогласувањето на законските регулативи на нашата држава за да може соодветно да одговориме на тие можности.


На крајот од средбата беше отворена и темата за предучилишното воспитание и за важноста од раниот детски развој. Министерката ги посоветува присутните дека од особена важност е децата Роми да бидат вклучени во предучилишните установи подеднакво како и другите деца. Тренчевска посочи и на проектот „Инклузија на деца Роми  во јавните општински установи – детски градинки“ кој несомнено придонесе во поголема вклученост на децата во предучилишното образование и воспитание.

Прочитај повеќе