Радовиш
Реконструирана спортската сала во СОУ „Коста Сусинов“ во Радовиш, за прв пат од изградбата на училиштето
Извршена реконструкција на спортската сала во СОУ „Коста Сусинов“ во Радовиш со цел да им се овозможат подобри услови на учениците при одржување на часовите по физичко и здравствено образование. Ова е прва реконструкција на салата од изградбата на училиштето во вакви размери за што се вложени околу 3,5 милиони денари.
„Проектот опфати поставување на ходроизолација, топлинска изолација, поставување на нов паркет и целосна замена на електричната инсталација. Реконструкција на спортската сала од вакви размери, за прв пат се реалзира од отварањето на училиштетото“, рече директорот Миле Арсов.
Реконструкцијата е извршена во координација со градоначалникот на Општина Радовиш Ацо Ристов со цел зголемување на квалитетот на образованието. Тој денеска беше во посета на училиштето при што најави дека гимназијата ќе биде опфатена и со проектот за енергетска ефикасност, а ќе бидат реконструирани и тоалетите и гардеробите.
„Подолго време разговаравме со директорот на гимназијата за да ги детектираме најслабите точки во училиштето за да добијат учениците идеални услови за работа. Затоа почнавме од спортската сала бидејќи како што рече директорот, таа не е реновирана од нејзината изградба. Планираме да направиме енергетска ефикасност на останатиот дел од објектот, инсталација на фотоволтаици на гимназијата. До следната сезона се надеваме дека ќе го замениме и греењето на училиштето односно да добиеме еден енргетски ефикасен објект“, рече градоначалникот Ристов, кој додаде дека како општина ќе се заложат да го вратат сјајот на радовишката гимназија, кога таа се бараше како место за учење и стекнување на образование, на што изминатите генерации добро се сеќават.
Започна реконструкцијата и санацијата на плафонот во Центарот за култура „Ацо Караманов“ во Радовиш, каде се одржуваат сите културни манифестации од општината и други јавни собири.
Градоначалникот Ацо Ристов, кој изврши увид во работните активности рече дека наредната година целосно ќе се реконструира внатрешноста на овој дом со комплетно ентериерно уредување, бидејќи како што рече радовишани се емоционално поврзани со овој дом и затоа ќе се реконструира но ќе ја задржи автентичноста.
Плафонот на ЦК „Ацо Караманов“ се реконструира со средства обезбедени од донација од рудникот Бучим.
Радовиш
Јавна регионална дебата „Креирање инклузивна локална средина“ ќе се одржи утре во библиотеката во Радовиш
МЗШВ: Објавен јавен повик преку програмата за рурален развој за поддршка при набавка на комбајни за жито
Општинската библиотека ,,Браќа Миладиновци” во Радовиш одбележа 66 ГОДИНИ ПОСТОЕЊЕ
Трансформација на салата Борис Трајковски за одржување на 30-от министерски состанок на ОБСЕ
Посебен режим на сообраќај на 29 и 30 ноември во Скопје
