Радовиш
ТППЕ од Радовиш викендот интервенирала на повеќе пожари на отворен простор
Во текот на изминатиот викенд во ТППЕ Радовиш биле пријавени неколку пожари на кои екипи од пожарната интервенирале. Од тие причини од TППЕ Радовиш упатува апел до граѓаните за поголемо внимание во овој период, во кој се вели:
„Во текот на изминатиот викенд пријавени се повеќе пожари на кои TППЕ Радовиш интервенираше на отворен простор на запалена сува трева, стрништа, отпадни материјали и слично, пред се поради необично високите температури за овој период од годината. Во пожарите биле загрозени и објекти од типот на викенд куќи, магацини или други помошни станбени објекти.
При чистење на земјоделските површини за претстојната сезона особено да се внимава да не се предизвика пожар со што би се загрозило здравјето, животот и безбедноста на нашите сограѓани како и да се внимава да не се предизвика и било каква материјална штета на блиските објекти.
Затоа упатуваме еден јавен апел до сите граѓани на општина Радовиш како и општина Конче каде што интервенира ТППЕ Радовиш, да се постапува внимателно и да не се палат огнови на отворено!“ стои во апелот од пожарната од Радовиш
„Меѓународниот детски фолклорен фестивал Оро Весело -2023“ и годинава ќе се одржи во Радовиш, во сабота на 3 јуни, а во чест на празникот Света Троица, кој некогаш бил празник на градот, а сега е празник на црковниот храм Света Троица.
ФА „Бучим“ од Радовиш, по 23 пат е организатор на фестивалот Оро Весело, на кој ќе учествуваат 12 фолклорни ансамбли од Македонија и 2 од соседните државо Србија и Бугарија.
На фестивласката вечер која ќе се одржи во Спортската сала „25-ти Мај“ во Радовиш со почеток од 19 часот, и претходи дефиле низ градот, прием кај градоначалникот на Општина Радовиш Ацо Ристов, а во 18:30 часот децата ќе бримат благослов од свештените лица во црковниот храм Света Троица, по што ќе се одржи фестивалот, кој на некој начин веќе стана белег на Радовиш.
Домаќините ФА Бучим од Радовиш кои се организатори на „Меѓународниот детски фолклорен фестивал Оро Весело“ ќе настапат со дечињата од школата за традиционален фолклор и две детски групи.
Инаку ФА Бучим во моментот брои околу 80 млади членови, а некогаш оваа бројка се движела околу 160 фолклористи.
Радовиш
Младите одбојкари од ООУ „Коста Рацин“ од Подареш го освоија првото место на Државното првенство во одбојка
Градоначалникот на општина Радовиш Ацо Ристов оствари прием на учениците, спортисти-одбојкари од ООУ „Коста Рацин“ од Подареш.
Повод за овој прием од страна на Градоначалникот беше освојувањето на првото место на Државното првенство во одбојка – Мали олимписки игри, организирано од Федерација на училишен спорт на Македонија.
Градоначалникот Ацо Ристов и Претседателот на Советот Моника Трајанова им ги честитаа постигнатите успеси, со надеж дека истите ќе продолжат.
Градоначалникот Ристов рече дека е горд на младите спортисти што упешно го промовираат Радовиш како град и спортот во него и најави поддршка на клубот и во иднина.
Постигнатите успеси на овие наши млади одобојкари се под менторство на професор Симеон Џеков, која го формира клубот и активно ги подготвува младите одбојкари. За таа цел од пред речиси една година Спортската сала „25 Мај“ во Радовиш со мали измени за обележување на теренот и поставување мрежа, створи услови за за тренирање на одбојкарите. Тие веќе извесен период забележуваат успеси за сега да станата прваци на Државното првенство во одбојка – Мали олимписки игри, организирано од Федерација на училишен спорт на Македонија.
Лидерот на ВМРО ДПМНЕ Христијан Мицкоски беше во посета на Општина Конче
МНР: Стапуваа на сила трите договори во рамки на Берлинскиот процес
Викендов, во Радовиш ќе се одржи МДФФ „ОРО ВЕСЕЛО“
Во недела во Радовиш ќе се одржи Државно првенство за кадети У20 во борење слободен стил
