Радовиш
Мобилен еко час по географија на учениците од осмо одделение од ОУ Крсте Петков Мисирков- Радовиш
Мобилен еко час по географија на учениците од осмо одделение и наставничката Румена Ѓоргиева од ОУ Крсте Петков Мисирков во Радовиш, денеска беше реализиран со повеќе активности. Учениците од 8- еден одделение поделени во четири тима, секој со свои задачи го реалзираа мобилниот час на терен.
„Во секоја година од образованието ние имаме тема која што се оденсува на животната средина и сега обработуваме токму таква тема“ рече наставничката Ѓоргиева, која ги подготви тимовите за своите активности.
Тимовите направија еко патрола во градот за да ја согледат состојбата со јавната хигиена во Радовиш, потоа залепија еко пароли на дрворедот покрај редовишка река, анкетираа граѓани низ градот со прашања околу јавната чистота и екологијата и посетија надлежно лице за животна средина во Општина Радовиш, на кого му поставија неколку прашања околу зачувувањето на животната средина во општината, што преземаат и на кој начин делуваат.
Целта на овој еко час е да се подигне свеста кај граѓаните и пред се кај младите лица за зачувување на жовотната средина и природата околу нас, за здрав начин на живот и здрава нација.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Денеска членовите на ЛО Левица-Радовиш ја презентираа програмата на претседателскиот кандидат на Левица, проф. д-р Билјана Ванковска, на поставен штанд до градскиот пазар во Радовиш.
„Граѓаните велат дека со нетрпение ги чекаат овие историски избори за заедно да ставиме крај на криминалните банди од ДПМНЕ, СДС и ДУИ кои ја пустошат Македонија триесет години“ велат младите активисти на ЛО Левица – Радовиш, кои рекламниот материјал од програмата на Ванковска го делеа и на граѓаните во пазарот.
82 прекршувања на брзината, од кои 40 на подрачје на Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Ванковска од Кавадарци: Подобра сум од противкандидатите затоа што сум единствена со програма, реформаторска и радикална
Димитриевски од Прилеп: Нема да дозволам македонците да бидат граѓани од втор ред во својата држава
