Connect with us

Струмица

Над 1000 маскирани лица на Струмичкиот карневал, поради недостиг на сместување откажани неколку странски карневалски групи

Media Press

Објавено на

На една недела пред започнувањето на Струмичкиот карневал Општина Струмица  И карневалистите ги прават последните подготовки.

Градоначалникот Костадин Костадинов на прес конференција со претседателот на на Организациониот одбор на карневалот, Александар Цицимов изјави дека и годинава ќе има уште едно успешно издание на Струмичкиот карневал, притоа поканувајќи го граѓаните да бидат дел од оваа манифестација.

„Од среда 22 февруари ги отвораме портите на нашиот град за овогодинешните карневалски свечености кога и ќе им го предадам клучот од градот на карневалистите, односно, на Организациониот одбор па се до тримерскиот ручек. Тоа значи дека цели осум дена Струмица ќе живее во духот на карневалот, со богата и разновидна програма која ги вклучува сите генерации кои со голема љубов ја негуваат и чуваат оваа наша вековна традиција“, рече Костадинов.

Според Александар Цицимов претседател на Организациониот одбор на карневалот и годинава доследни на вековната карневалска традиција ќе има богата и разновидна осумдневна карневалска програма. Но поради недостиг на сместувачки капацитети им се откажало гостопримство на десетина странски карневалски групи.

„За жал годинава заради неможност да ги сместиме сите заинтересирани моравме да им откажеме гостопримство на десетина заинтересирани групи од странство, но дадовме предност на тие со кои повеќе години соработуваме и разменуваме карневалски групи. Проблемот околу сместувањето е во тоа што неколку хотели се затворени, а еден се реновира и со тоа изгубивме околу 400 места во кои досега ги сместувавме гостите“ – истакна Цицимов.

Карневалските случувања ќе започнат од среда 22 февруари и ќе траат осум дена. Главната карневалска вечер ќе биде во Сабота  на 25 февруари кога над 1100 маскирани лица од кои 340 од странство ќе продефилираат низ струмичките улици и ќе се претстават на главната сцена на градскиот плоштад, а во недела ќе се одржи детскиот карневал.

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе