Радовиш
Советот одржа итна седница, Општина Радовиш ќе донира 500 илјади денари за помош на настраданите во земјотресот во Турција и Сирија
Половина милион денари ќе издвои Oпштина Радовиш од својот буџет за хуманитарна помош на настраданите во катастрофалниот земјотрес во Турција и Сирија.
За таа цел Советот на Општина Радовиш денеска одржа итна седница на која по краткото образложение на градоначалникот Ацо Ристов Советниците едногласно ја изгласаа Предлог- одлуката за обезбедување финансиска помош.
„Итната 25 седница се свика со цел обезбедување на итна финансиска помош од буџетската резерва на Буџетот на Општина Радовиш за 2023 година како донација за Република Турција и Сирија по катастрофалниот земјотрес што ги погоди земјите со големи човечки загуби, повредени граѓани како и голема материјална штета. Решивме да ги донираме сите средства во износ 500 илјади денари од од буџетските резерви за помош на овој народ погоден од катастрофалниот земјотрес“, рече градоначалникот Ацо Ристов по завршувањето на седницата и притоа апелира до граѓаните, до компаниите кои се во можност да донираат на сметката за таа намена во Црвек крст.
Советникот Енис Омер изрази благодарност до Општина Радовиш, до градоначалникот и до колегите советници за покажаната хуманост, Тој рече дека е во комуникација со негови пријатели од погодените општини во Турција, кои му рекле дека состојбата е ужасна, но се благодарни што се живи. И тој апелира до граѓаните да помогнат колку можат.
„Меѓународниот детски фолклорен фестивал Оро Весело -2023“ и годинава ќе се одржи во Радовиш, во сабота на 3 јуни, а во чест на празникот Света Троица, кој некогаш бил празник на градот, а сега е празник на црковниот храм Света Троица.
ФА „Бучим“ од Радовиш, по 23 пат е организатор на фестивалот Оро Весело, на кој ќе учествуваат 12 фолклорни ансамбли од Македонија и 2 од соседните државо Србија и Бугарија.
На фестивласката вечер која ќе се одржи во Спортската сала „25-ти Мај“ во Радовиш со почеток од 19 часот, и претходи дефиле низ градот, прием кај градоначалникот на Општина Радовиш Ацо Ристов, а во 18:30 часот децата ќе бримат благослов од свештените лица во црковниот храм Света Троица, по што ќе се одржи фестивалот, кој на некој начин веќе стана белег на Радовиш.
Домаќините ФА Бучим од Радовиш кои се организатори на „Меѓународниот детски фолклорен фестивал Оро Весело“ ќе настапат со дечињата од школата за традиционален фолклор и две детски групи.
Инаку ФА Бучим во моментот брои околу 80 млади членови, а некогаш оваа бројка се движела околу 160 фолклористи.
Радовиш
Младите одбојкари од ООУ „Коста Рацин“ од Подареш го освоија првото место на Државното првенство во одбојка
Градоначалникот на општина Радовиш Ацо Ристов оствари прием на учениците, спортисти-одбојкари од ООУ „Коста Рацин“ од Подареш.
Повод за овој прием од страна на Градоначалникот беше освојувањето на првото место на Државното првенство во одбојка – Мали олимписки игри, организирано од Федерација на училишен спорт на Македонија.
Градоначалникот Ацо Ристов и Претседателот на Советот Моника Трајанова им ги честитаа постигнатите успеси, со надеж дека истите ќе продолжат.
Градоначалникот Ристов рече дека е горд на младите спортисти што упешно го промовираат Радовиш како град и спортот во него и најави поддршка на клубот и во иднина.
Постигнатите успеси на овие наши млади одобојкари се под менторство на професор Симеон Џеков, која го формира клубот и активно ги подготвува младите одбојкари. За таа цел од пред речиси една година Спортската сала „25 Мај“ во Радовиш со мали измени за обележување на теренот и поставување мрежа, створи услови за за тренирање на одбојкарите. Тие веќе извесен период забележуваат успеси за сега да станата прваци на Државното првенство во одбојка – Мали олимписки игри, организирано од Федерација на училишен спорт на Македонија.
Лидерот на ВМРО ДПМНЕ Христијан Мицкоски беше во посета на Општина Конче
МНР: Стапуваа на сила трите договори во рамки на Берлинскиот процес
Викендов, во Радовиш ќе се одржи МДФФ „ОРО ВЕСЕЛО“
Во недела во Радовиш ќе се одржи Државно првенство за кадети У20 во борење слободен стил
