Connect with us

Радовиш

Општина Радовиш организира јавна трибина, граѓаните беа информирани околу солидарниот фонд за погребални услуги и комуналната такса

Avatar

Published

на

Проблемот околу погребалните услуги во Радовиш се уште актуелен.

Општина Радовиш за денеска организира јавна трибина, во Центарот за култура Ацо Караманов, на која граѓаните од градот и населените места во општина Радовиш имаа можност директно од градоначалникот Ацо Ристов да дознаат повеќе информации во однос на оваа проблематика, притоа дискутирајќи за поедини прашања поврзани со солидарниот фонд.

Градоначалникот Ацо Ристов на присутните граѓани од месните и урбаните заедници, им појасни дека се предлага солидарниот фонд да остане да финкционира и на граѓаните да им се наплаќа по 90 денари на сметките од ЈП Плаваја, како и по 50 денари за управување и одржување на гробишта.

 За предлог одлуката за солидарен фонд да биде официјално донесена, ќе се одржи итна седница  на Советот на Општина Радовиш, која најверојатно ќе се одржи во понеделник.

Присутните граѓани поставува прашања за се она што ги интересираше, но речиси сите беа согласни, солидарниот фонд да продолжи да функционира.

Градоначалникот Ристов рече дека веќе имало заинтересирани и други фирми да ја вршат оваа услуга, што најверојатно конкуренцијата ќе доведе до намалување на цените.

Радовиш

Заврши реконструкција на улицата 22 Oктомври во Радовиш, следна е улица Партизанска

Avatar

Published

на

Заврши реконструкција на улицата 22 октомври во Радовиш како дел од програмата за реконструкција на улици во центарот на градот. Градоначалникот Ацо Ристов кој денеска изврши увид на градежните работи рече дека истовремено се работи и на други локации, на изградба на споредни улици и сокаци со бекатон.

Улицата ќе биде асфалтирана до раскрсницата со афтобуската станица, а потоа механизацијата ќе се премести на улица Партизанска и дел од улица Плачковица, рече градоначалникот Ристов кој притоа спомна дека потоа ќе се продолжи во населените места.

Прочитај повеќе

Радовиш

24 -годишен радовишанец физички го нападнал неговиот татко, случајот пријавен во полиција

Avatar

Published

на

На 02.07.2024 во 19.00 часот во Радовиш полициски службеници од Полициската станица Радовиш лишиле од слобода 24-годишен радовишанец, постапувајќи по претходна пријава дека тој околу 16.30 часот во Радовиш физички го нападнал неговиот татко. Лицето било задржано во Полициската станица Радовиш и за настанот бил запознаен јавен обвинител од Основното јавно обвинителство Радовиш. По документирање на случајот против лицето ќе биде поднесена соодветна пријава.

Прочитај повеќе

Радовиш

Јавен повик за добивање на субвенција на млади лица за полагање на возачки испит од Б категорија

Avatar

Published

на

Општина Радовиш распиша Јавен Повик за користење на финансиски средства од буџетот на Општината за 2024 година, за добивање на субвенција на млади лица – жители, за полагање на возачки испит од Б категорија, согласно Програмата за Локален Економски Развој на Општина Радовиш за 2024 година.

Содржина на јавниот повик
Финансиските средства предвидени во Програмата за Локален Економски Развој oд Буџетот на Општина Радовиш за 2024 година ќе се доделуваат на корисниците, баратели кои се редовни/вонредни ученици во III или IV година во СОУ „Коста Сусинов“ Радовиш или се невработени млади лица до 26 годишна возраст.
На барателот/физичкото лице што ги исполнува критериумите на овој јавен повик ќе му се надоместат дел од трошоците направени за полагањето на возачки испит при стекнување на возачка дозвола од Б категорија во висина од 8.000,00 денари. Средствата по барањето ќе се исплатат по доставување на доказ за положен возачки испит – добиена возачка дозвола од Б категорија до комисијата во Општина Радовиш. Доколку барателот не го положи возачкиот испит во тековната година по поднесеното барање најдоцна до 1 Декември и не поднесе доказ за положен возачки испит најдоцна до 1 Декември во тековната година, го губи правото на субвенционирање и предвидените средства нема да му бидат исплатени.

Јавниот повик трае 30 дена од денот на објавувањето.

Право на поднесување на барање
Право на користење на финансиски средства имаат физичките лица редовни/вонредни ученици во III или IV година во СОУ „Коста Сусинов“ Радовиш и/или невработени млади лица до 26 годишна возраст кои ќе поднесат барање со потребната документација од денот на објавувањето на јавниот повик до денот на завршување на повикот.

Пријавата со целокупната документација треба да се достави преку пошта или лично до архива на адреса:
Општина Радовиш, Бул.„Александар Македонски“ Бр.7, Радовиш

Повеќе на: https://radovis.gov.mk/%d1%98%d0%b0%d0%b2%d0%b5%d0%bd-%d0%bf%d0%be%d0%b2%d0%b8%d0%ba-%d0%b7%d0%b0-%d0%ba%d0%be%d1%80%d0%b8%d1%81%d1%82%d0%b5%d1%9a%d0%b5-%d1%81%d1%80%d0%b5%d0%b4%d1%81%d1%82%d0%b2%d0%b0-%d0%b7%d0%b0-%d0%b4/?fbclid=IwZXh0bgNhZW0CMTEAAR2Qcywoerc5J1FuJXTPnsXg_rm1zs-cIiIYXi5_Lfxgpw363yo0UgrbW50_aem_tozHGw8Pa49YTgzdako1PQ

Прочитај повеќе