Сите сонуваме за голема и пространа кујна со најмодерни кујнски апарати. Сепак, не секој може да се пофали со пространа кујна каде што е можно да се постават сите потребни парчиња мебел

Малите кујни се типични за станови, но и мал простор може да се дизајнира стилски, бидејќи денес постојат безброј паметни решенија и трикови кои ќе ви помогнат да го искористите максимумот од секоја педа од него.

Иако кујната е мала по големина, нема потреба да ја ограничувате вашата имагинација, бидејќи дури и мал простор може да изгледа привлечно и удобно со вистинските совети за дизајн. Главната работа е да се пристапи кон добра организација на просторот.

Уредување на мала кујна

Искористете го секој агол од вашата мала кујна, со помош на аголни парчиња мебел и полици. Изберете кабинети со лизгачки врати.

Помалите кујнски апарати се исто така одлична опција за мали простори бидејќи нема да заземат многу простор на работните површини.

Доколку имате остров или трпезариска маса во кујната, можете да изберете столици на преклопување.

Огледалата имаат моќ визуелно да го направат секој простор поголем. Користете ги мудро!

Неопходно е да се избере вистинската боја на кујнските кабинети. Никогаш не избирајте темни кујнски кабинети бидејќи тие веднаш ќе ја затемнат просторијата правејќи ја да изгледа многу помала, дури и помала отколку што всушност е! Одлучете се за бела боја и сјајна завршница бидејќи природниот сјај ќе ја продлабочи просторијата правејќи ја да изгледа пространа.

Вертикалните шари на мебелот или ѕидовите се исто така интересно решение, бидејќи тие прават кујната да изгледа повисока.

За мали простори, најдобро е да користите материјали како пластика, иверица и метал. Мебелот од цврсто дрво и мермер изгледа импресивно, но и гломазен и нема да биде најдобро решение за мала кујна.

Не заборавајте на аглите. Користете ги овие места за мијалник, аголни полици или печки. Ако постои можност да се комбинира кујната со соседната просторија, создадете модерно студио.

Малата кујна не е причина да се откажете од убавиот мебел. Погледнете ја вашата кујна од поинаков агол, откријте што недостасува за да изгледа модерно и хармонично.

Ова растение од семејството на слезово расте до три метри во височина. Има долгнавесто, ребрести плодови кои се лесно сварливи, сочни, со пријатен и донекаде остар вкус. За храна се користат само млади незрели плодови, кои се распаѓаат при готвењето, ослободувајќи мноштво ситни семки, исклучително богати со протеини и масти.

Бамјата е едногодишно растение. Многу млади плодови 3-6 дена по цветањето и оплодувањето се користат како зеленчук на различни начини, најчесто варени или задушени. Бамјата може да се зачува со сушење, замрзнување, стерилизирање и маринирање. Во прехранбената индустрија се користи сушен како природен емулгатор, а делува и како антиоксиданс.

За да можат цела година да бидат на трпезата, младата бамја се суши, нанижува на врвка. Освен конзервирање со сушење, може да се замрзне, маринира или меле.

Бамјата е богата со растителни влакна, важни за одржување на нормално ниво на холестерол во крвта, добро варење и стабилизирање на нивото на шеќер во крвта.

Содржи и бројни минерали и витамини, особено од групата Б, (главно Б1 и Б2 и Б6) важни за одржување на безбедна и здрава бременост. Со производство на фолати, тој ги спречува вродените дефекти и му помага на фетусот нормално да расте и да се развива.

Во текот на летото може да се берат мали, многу млади плодови и да се мелат како лута пиперка, па да се закачат и да се исушат.Такви бамии можете да ги користите во кујната во текот на зимата до новата берба.

Пред сеидбата, корисно е семето да се потопува 24 часа во топла вода (околу 30 °C), што ќе го омекне слојот од семето. Цветањето започнува 6-8 недели по сеидбата, а бербата започнува набргу потоа.

Како луѓе, ние често пати сонуваме за подобро утре и посветла иднина.  Денес, бележиме 164 години од раѓањето на човекот кој ја осветли нашата иднина, еден од најголемите умови, татко на наизменичната струја, научник, истражувач и пронаоѓач, Никола Тесла. Роден е на 10 јули 1856 година во селото Смилјан, Австро-Унгарија (денешна Хрватска). Иако во себе носел српско потекло, тој подоцна добива американско државјанство и остатокот од својот живот го поминал како граѓанин на САД.

Неговиот придонес во дизајнирањето на современите системи за напојување на наизменична струја, како и Теслиниот калем го издвојваат како еден генијалец и една од најзначајните личности од историјата.  Како наследство на новите генерации, Тесла остави голем број на патенти и пронајдоци во областа на електротехниката и радиотехниката, а особено е запаметен по примената на наизменична струја и радио комуникација.

Како негови најважни пронајдоци се издвојуваат: телеавтоматика (далечинско управување со бродови), систем за безжичен пренос на сигнали, Теслина намотка, големи откритија во физиката, како што се Х-зраци, систем за повеќефазни струи, електрони, космички зраци и многу други.

Тесла бил една неуморна душа за која се сметало дека има фотографска меморија. Можел да запамети книги, експерименти, слики, визии и факти со извонредна точност.
Тој тврдел дека има визии. Наводно, му се појавиле во форма на ненадејни трепки на светлина, каде што гледа како треба да изгледаат неговите пронајдоци. Тесла зборувал 8 јазици, а има добиено и 15 почесни докторати.

За себе тврдел дека не е изумител туку откривач на работи што постојат во природата околу нас. За неговиот успех во инвентивноста, сам тврдел дека се должи на вродената способност да неверојатно визуелизира работи, процеси и настани. Според тоа, тој прво би ги дизајнирал сите свои експерименти во главата, а потоа би ги пренесел во пракса.