Connect with us

Македонија

Демократски Сојуз: Ќе се формира МАКЕДОНСКИ ФБИ за борба против тешките облици на криминал и висока корупција

Avatar

Published

на

„ Криминалот ги разорува институциите и го кочи демократскиот развој на државата. Криминалот стана вредносна категорија, а не зло со кое мораме да се справиме. Криминалот е навлезен во сите пори на општественото живеење. Народот не може да создаде толку колку што власта може да растури и украде“, рече пратеникот Павле Трајанов, предлагач на законот за Агенција за борба против тешките облици на криминал и висока корупција на трибина „Системски реформи – борба против организираниот криминал“.

Со законот се предвидува формирање на независна Агенција, која ќе открива тешки кривични дела од организиран криминал, ќе го открива криминално стекнатиот имот на политичарите, ќе предлага конфискација на имот и забрана за политичко дејствување.

„Заеднички се оценките дека Македонија и натаму се криминализира, дека отсуствува политичка волја за ефикасна  борба против криминалот, дека не функционира имунолошкиот систем во државата, а последица е целосна ерозија на институциите на државата. Криминалот полека но сигурно ни ја јаде државата, поради тоа што никогаш досега не постоела вистинска определба кај власта за ефикасна борба против организираниот криминал и високата корупција. Најопасен е институционалниот криминал поради кој ниту една реформа не може да се постави на системски основи. Проектот ДЕКРИ го подготвивме во 2005 година, но сите влади досега одбиваа да го имплементираат. Законот за Агенција за борба против тешките облици на организиран криминал и високата корупција е само еден дел од проектот ДЕКРИ, со кој се објавува фронтална војна на институционалниот криминал и високата корупција, со единствена цел, да се пресече во корен ова зло“, рече пратеникот Трајанов.

„Моторот на организираниот криминал е партизацијата на општеството, бидејќи партиите освен реторика, немаат никаква намера нешто конкретно да понудат во оваа област“, истакна професорот од Правниот факултет во Скопје, Гордан Калајџиев. Како што нагласи, голем проблем во државата се институциите кои го откриваат криминалот, бидејќи статистиките покажуваат многу низок степен на реализација. Оттаму, добредојдена е секоја иницијатива која предвидува формирање независен орган за откривање криминал, истакна Калајџиев.

Слаѓана Тасева од Транспаренси Интернешнл смета дека досега не се покажани резултати во борбата против организираниот криминал. Проблемот на политизација на институциите и понатаму постои. Смета дека треба да се побара соодветно решение за системот со цел справување со висока корупција. Според нејзиното мислење, слаба точка се судовите. Потенцира дека сега е вистинското време да се направи сериозен исчекор, инаку и понатаму ќе се соочуваме со неуспех. Очигледно е дека работите остануваат непроцесирани, а сторителите остануваат неказнети, потенцира Тасева.

Владимир Георгиев од ДКСК укажа дека борбата против корупција треба да зајакне, но прашањето е дали за тоа треба формирање ново тело или да се зајакнат постоечките институции.Потенцира дека постојат доволно слабости поради кои никогаш нема да има доволно органи и капацитети за проблемите проврзани со корупција.

Според Новинарот Саше Димовски, неопходно ќе биде сериозна политичка волја за реализација на овој проект. Доколку тоа се обезбеди, судството ќе мора да го следи во чекор, бидејќи без суштински реформи во судството и обвинителството, може да се случи да добиеме уште една институција заглавена во системот.

Заклучувајќи ја трибината, пратеникот и претседател на ДС, Павле Трајанов, меѓу другото, нагласи и дека во расправата во парламентот многу јасно ќе се види кој е за вистинска борба против криминалот, кој пред се го прави власта. Ние ја почнавме оваа „војна“, придружете се ако сакате да имате држава во која ќе владеат законите, а младите ќе создаваат овде во Македонија.

Македонија

Се замрзнуваат цените на тоалетната хартија, влошките, влажни марамчиња, пелените

Avatar

Published

на

На предлог на Министерството за економија, Владата на денешната седница ќе донесе Одлука со која се утврдуваат највисоки цени на трговија на мало на хигенски производи.

Согласно одлуката се утврдуваат највисоки цени на тоалетна хартија,влажни марамчиња, пелени за деца и возрасни (дајперси) и хигиенски влошки кои се применувале на 20 март во трговијата на мало, кои цени се намалуваат за 13%, информира министерот за економија Крешник Бектеши.

„Оваа одлука се носи согласно анализите направени во Министерството за економија имајќи ги во предвид податоците од Царинската управа. Во делот на тоалетна хартија цените на тоалетната хартија се движеле од 94,8 денари до 343,3 денари, од 1 март до 24 март 2023 година цената се движела од 94,8 денари до 205 денари а со пресметано ДДВ од 11 денари до 241 денар, а 85% од тоалетната хартија е од увоз. Кај влажните марамици цената се движи 94,6 денари во јануари, 94,5 денари во февруари и 83,2 денари во месец март 2023. Редовната царина е 6%. За пелени за деца и возрасни (дајперси) се движи 36, денари по парче до 1.600 денари по кутија, а кај за хигиенски влошки се движи 27,9 денари по парче до 63,56 денари по парче. Редовната царина е 6%“ кажа министерот Бектеши.
Министерот додаде дека одлуката за хигенските влошки се носи пред се бидејќи Законот за намалување на ДДВ на овие производи сеуште не е усвоен во Собранието.
“Имајќи во предвид дека за жал во собраниска процедура од декември минатата година има законско решение за овие производи за намалување на ДДВ од 18 на 5%, но сеуште ова решение не е разгледано во Комисијата за фианнсирање и Буџет во Собранието“ кажа министерот  Бектеши.
Оваа одлука стапува на сила по објавување во Службен весник, а ќе се применува од 1 април до 31 мај 2023 година.

Прочитај повеќе

Македонија

МЗШВ: Следат ниски температури – Апелираме за навремено преземање мерки за заштита на овошните насади

Avatar

Published

на

Министерството за земјоделство, шумарство и водостопанство и Управата за хидрометеоролошки работи ги информираат земјоделците дека во наредните денови 29 и 30 март (среда и четврток) земјата ќе биде зафатена од ниски температури под нулата.

Минималните температури на 29 март ќе изнесуваат -5 степени во Крива Паланка, -4 во Ресен и Битола, -3 во Прилеп и Тетово, – 2 во Скопје, Струмица и Кочани, -1 во Демир Капија и Штип, додека 0 степени ќе биде минималната температура во Кавадарци. За 30 март пак минималната температура ќе изнесува -4 степени во Крива Паланка, – 3 во Битола, -2 степени во Струмица, Ресен и Тетово, а -1 во Скопје и Прилеп.

Министерството за земјоделство, шумарство и водостопанство апелира до земјоделците навремено да преземат мерки за заштита на овошните насади од измрзнување.

Прочитај повеќе

Македонија

Левица: Двојазичните униформи се очаен обид за спас на ДУИ

Avatar

Published

на

Минатата недела, противуставно и незаконски стапи во сила Уредбата со кои полициските униформи стануваат двојазични. Ваквата скандалозна одлука се имплементира кога се случува силен раскол во раководството на ДУИ, со кој оваа партија прв пат се соочува, велат од политичката партија Левица.

Заедно со иредентистичките изблици на градоначалникот на Кичево, Фатмир ДЕХАРИ кој организираше скандалозна прослава за “десет години Кичево под албанска власт”, јасно е дека ДУИ повторно прибегнува кон отворен шовинизам и негирање на македонскиот суверенитет во очаен обид да го спаси својот рејтинг.

Оваа амнестирана партија, која 20 години владее неказниво, нема капацитет да спроведе никакви економски, социјални и политички реформи и затоа го губи постепено легитимитетот за владеење, за што доказ е руинираната состојба на општините со кои раководат нивните градоначалници. Молкот на Ковачевски пред ваквите анти-државнички потези на ДУИ покажува дека СДС е малцинска партија во владината коалиција, која во своите фази на историски РАСПАД, е подготвена да ги испорача сите иредентистички барања на ДУИ.

Потсетуваме дека Венецијанската комисија донесе МИСЛЕЊЕ дека не смее да се носат подзаконски акти кои ќе се повикуваат на Законот за употреба на јазиците (објавен без потпис на Претседателот на РМ), поради што стапувањето во сила на оваа уредба е спротивна на сите меѓународни начела.

Како и во случајот со воведувањето етничка припадност во лични карти – кое ефективно беше спречено поради јавниот притисок на Левица и експертите – повторно само #Левица се изјасни против двојазичноста на униформите и истите ги оспори пред Уставен суд.

Од друга страна, лидерот на ВМРО-ДПМНЕ, Христијан Мицкоски, пред една година тврдеше дека двојазичните униформи се само дефокус за јавноста и дека тоа е “уставна материја во која нема да се меша”. Молкот на ВМРО-ДПМНЕ откако двојазичните униформи станаа реалност потврдува, како и во случајот со етничка припадност во лични карти, дека оваа партија е подготвена да биде учесник во ваквите ИРЕДЕНТИСТИЧКИ процеси, само за да му се допадне на албанскиот политички блок. Повторно се потврди дека ниту еден процес со кој е загрозен суверенитетот и интегритетот на Републиката, не може да се спроведе без учество на партијата на Христијан Мицкоски“, стои во реакцијата од Левица.

Преземно од: https://www.facebook.com/PartijaLevica

Компаративно-правната анализа заклучува дека најголемата група европски и светски држави користат исклучиво САМО ЕДЕН ОФИЦИЈАЛЕН ЈАЗИК на полициските и воените униформи (пр. Албанија, Естонија, Латвија, Литванија, Португалија, Полска, Романија, Словенија, Хрватска, Франција, Шпанија и Шведска), потенцираат од Левица.

Прочитај повеќе