Синоќа во населеното место Пиперево заврши Меморијалниот турнир во мал фудбал Ч’крче 2023 година, кој и годинава се одржа под покровителство на општина Василево. Во конкуренција од вкупно 14 екипи победник беше екипата на Спорт лајф, кои во финалето со резултат од 4:2 ја совладаа екипата на Вики маркет.

Во дуелот за третото место екипата на Алуметал Стил ги совлада ривалите од К1 и се пласираше на третото место.

Организаторот имаше обезбедено парични награди за најдобрите екипи и тоа: 40 000 денари за прво пласираните, 20 000 денари за вторите, 10 000 денари за третопласираните и 10 000 денари за четвртите.

На турнирот беа прогласени и наградени и најдобрите поединци: Игор Гонев од Вики маркет за најдобар голман  доби дрес, Трајче Димитров  од екипата на Спорт лајф  за најдобар играч и Никола Радојчиќ од екипата на Алуметал стил за најдобар стрелец. За нив организаторот имаше обезбедно фудбалски топки.

На турнирот натпревар одиграа и две екипи во јуниорска категорија и тоа ФК Единство и Агро Глобал и двете од населеното место Пиперево, кои, според зборовите на организаторот се иднината и продолжувачите на овој традиционален Турнир. За нив беа обезбедени  медали.

„Чинот на моето присуство на турнирот е најдобриот показател за мојот и односот на општина Василево кон поддршката на спортот во општина Василево и негувањето на спортскиот дух, а со тоа и промоцијата на спортот меѓу младите на  општина Василево,“, изјави градоначалникот на општина Василево, Славе Андонов, кој присуствуваше на Турнирот.

Меморијалниот Турнир Ч’крче се одржува во во чест и спомен на прерано починатиот Славе Стојанов –  Ч’крче од населенто место Пиперево. Турнирот започнува на празникот Петровден.

Со полагање свежо цвеќе пред спомен плочата која се наоѓа на влезот во населеното место Радичево, денеска беше одбележана 82-годишнината од средбата на струмичката и радовишката младина на која биле поставени  темелите на идната заедничка револуционерна соработка.

За настаните од тој период,  за целта и мотивите на тогашната средба беше прочитан реферат.

Пред спомен плочата се поклонија делегаии од општина Василево и од општинските одбори  на Сојузот на борците од Струмица и Струмичко и Радовиш.

Под покровителство на општина Василево, во населеното место Пиперево, на 12.07.2023 година, Петровден  и годинава ќе се одржи Меморијалниот турнир во мал фудбал Ч’крче. Турнирот е во чест и спомен на прерано починатиот Славе Стојанов –  Ч’крче од ова населено место.

Во тек е пријавувањето кое ќе трае до 11-ти јули, 2023 година, кога ќе биде спроведено и ждребањето на екипите.

Според Организаторот, право на учество имаат екипи од струмичкиот регион. Котизацијата изнесува 4 000 денари. На турнирот освен за најдобрите екипи, награди ќе бидат доделени и за најдобар играч, најдобар голман и најуспешен стрелец. Турнирот ќе се одржи на игралиштето во центарот на село Пиперево.

За следење на сите информации поврзани со овој турнир, отворена е и посебна и ФБ страна https://www.facebook.com/profile.php?id=100093093207365

За дополнителни информации и пријавување учество, заинтересираните треба да го  контактираат организаторот на следниве телефонски броеви: 078 423 181 и 078 858 269.