Тим од осум пожарникари-спасители од ТППЕ Струмица, припадници на специјалниот тим за пребарување и спасување од рушевини(USAR), кој е во состав на Републичките сили за заштита и спасување, по добиена наредба за мобилизација од страна на Владата на Македонија, денеска замина во спасувачка мисија во Турција која вчера беше погодена од силен земјотрес.

„Нашите спасувачки тимови кои се соодветно обучени за помош на вакви несакани настани се подготвуваат да стигнат во Турција, во местата каде што има поголема потреба и со сите сили и можности ќе се потрудат да помогнат со своите капацитети! соопштина од ТППЕ од Струмица

Струмичкиот карневал годинава ќе се одржи на 25 февруари. Но карневалските случувања ќе започнат од 22 февруари со свеченото отварање на карневалските денови со симболично предавање на клучот на градот на карневалистите од страна на градоначалникот. И ќе траат се до 01 март со тримерски ручек у ваќање на карневалскиот клуч на градоначалникот.

Во осумдневното празнување организаторот нуди богата и разновидна програма за сите генерации во Општина Струмица, но и за гостите кои се очекуват од државата и странство.

Врз основаната потреба од постоење на единица за соодветен третман на бездомни кучиња во Струмица и нејзината околина, како резултат на решителноста на општинската администрација и градоначалникот на Општината, денес со работа започна современиот стационар „Лана“.

Основна цел на постоењето на Јавното претпријатие за заловување бездомни кучиња Стационар „Лана“ Струмица“ е хуман третман и благосостојба на бездомните кучиња со што треба трајно и ефикасно да биде намален нивниот број.

Програмата е заснована на методот „залови – стерилизирај – вакцинирај – вдоми/врати”, која со методите за едукација, регистрација и подигнување на јавната свест ќе овозможи намалување на бројот на бездомни кучиња.

„Со пуштањето во употреба на Стационарот „Лана“ практично почнуваме со решавање на еден од најголемите проблеми на струмичани, а тоа се бездомните кучиња скитници за кои имавме многу несакани ситуации, каснување на луѓе и во неколку случаи на деца. Додека во државата одредени општини декларативно се занимаваат со овој проблем, ние суштински и системски го решаваме и од денес општина Струмица е единствената општина во државата со свој сопствен стационар за бездомни кучиња. Јас ги уверувам граѓаните дека стационарот ќе ги дава посакуваните резултати. Особено ме радува фактот што веќе ги имаме и првите семејства, граѓани коишто сакаат да вдомат кучиња. Упатувам порака дека колку сме со поголема свест во однос на кучињата скитници и сакаме да ги вдомиме, толку помалку ќе имаме и кучиња скитници на улиците. Ако навистина ги сакаме животните, тогаш да им дадеме дом на сите“ – изјави градоначалникот Костадин Костадинов.