Радовиш
Три општини од Југоистокот сами ќе произведуваат струја
Три општини од Југоистокот сами ќе произведуваат струја. Радовиш, Конче и Василево започнуваат со изградба на систем од фотонапонски централи со вкупен капацитет од 430 киловати и софтверски дигитален систем кој ќе овозможи навремен директен увид во тековната состојба. Централите ќе бидат поставени на покривите на спортската сала 25 Мај и основното училиште Крсте Петков Мисирков во Радовиш. Вкупната инвестиција изнесува околу 23 милиони денари, од кои најголем дел се обезбедени од министерството за локална самоуправа и Швајцарската развојна агенција, а свое учество имаат и трите општини.
Произведената електрична енергија ќе се дели на три дела од кои за Радовиш се наменети 50%, додека Конче и Василево ќе добиваат по 25% . За градоначалниците, реализацијата на овој проект е многу значајна бидејќи на тој начин тие се вклучуваат во светскиот тренд на енергетски независни општини.
Поставувањето на фотонапонските централи треба да заврши за шест месеци. Проектот го реализира Центарот за развој на Југоисточниот плански регион како од грантовата шема на проектот ,,Одржлив и инклузивен рамномерен регионален развој,,- 2 фаза.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Стартува изборната кампања за парламентарните избори
Гордана Силјановска Давкова: На оваа ужасна пирамида македонска, на врвот има неколку проценти пребогати луѓе, а долу останаа осиромашените
Пендаровски од Гостивар: Ја вративме слободата, изградивме еднакво општество
Димитриевски: Македонија заслужува претседател од граѓаните, кои го даваат легитимитетот за тој што ќе ги претставува и заштитува
