Новогодишна еуфорија и во Општина Василево. Градоначалникот на Општина Василево Славе Андонов на дечињата во детската градинка им подари новогодишни пакетчиња.
„Се дружевме со децата од градинката Прва радост Василево на кои заедно со Директорот на Југоисточниот Плански Регион, г-дин Ѓоко Камчев поделивме пакетчиња !
Нека ова пакетче со него донесе и ОГРОМНА ЉУБОВ, завиткана со ИСКРЕНОСТ, врзана со ГРИЖЛИВОСТ и запечатено со БЛАГОСЛОВ, за да не радува во текот на целата година.Среќни новогодишни празници, да сте живи и здрави!“ вели градоначалникот Андонов.
Исто така учениците- членови на Ученичкиот парламент при ООУ „Гоце Делчев“, Василево остварија предновогодишна средба со градоначалникот во општина Василево
„Во пријатна атмосфера разменивме информации за надлежностите и улогата што секој ја има во својата област, за можностите што се јавуваат како резултат на взаемна соработка и поинтензивна комуникација.
Разговаравме и за тековните потреби и најургентните прашања чие решавање ќе значи подобри услови за одвивање на наставата а со тоа и постигнување на подобри резултати. Договоривме ваквите средби во второто полугодие да добијат континуитет а дел од идеите кои беа предложени, како профункционирање на кабинетите, едносменско работење, модерно повеќенаменско игралиште, повеќе културно забавни настани и слично, беа заедничка желба за Новата 2023 година“ објави Андонов на социјалните мрежи.