Македонија
Промовирана автобиографската книга „Мојот македонски код“ од проф. д-р Ванчо Чифлиганец и одбележани неколку јубилеи
Објавено на
Од
Media Press
Проф. д-р Ванчо Чифлиганец по повод 20 години македонска градителска приказна Адора инженеринг, 30 години успешно менаџирање и 45 години работен стаж, ја промовира автобиографската книга „Мојот македонски код“

„МОЈОТ МАКЕДОНСКИ КОД – Живеам за да работам – Ако си борец ќе бидеш и творец“, е најновото авторско дело на проф. д-р Ванчо Чифлиганец, животна и професионална автобиографија на нашиот потврден стопанственик, менаџер, професор, спортски активист и филантроп, која беше промовирана синоќа на корпоративната прослава на Адора во Скопје. Низ книгата со 12 поглавија, Чифлиганец пред сé на помладите, но и на сите други, им ги открива основните тајни и личниот рецепт-проект како се доаѓа до успех и како се стигнува на врвот. Овој наративен и фотографски времеплов низ животните предизвици на Чифлиганец, базиран на негови сведоштва и документи, е фокусиран на образовните дострели, професионалната и општествено-политичка кариера, филантропијата и неговиот неимарски македонски код, успешната македонска градителска приказна Адора инженеринг. Чифлиганец во оваа книга, несебично, како филантроп, пишува за клучот и ја дешифрира формулата како се доаѓа до успехот, преку конкретни примери и карактерни особини, враќајки се 150 години назад, бидејќи како што самиот истакнува, ако тоа не било вградено кај секој македонец, сигурно денес не би имале своја самостојна држава, Македонија.

„Мојот македонски код“ содржи и дел за менаџерството, животен, автентичен лексикон и поглед кон иднината за нашата благородна Македонија, со што авторот сака да ја врати вербата во смислата на животот, да го врати оптимизмот дека Македонија може да биде одлично место за живот, порачувајќи дека не е само туѓата земја-ветена, туку дека и во Македонија може секој да си го исполни својот сон. Нашиот реномиран писател, проф. д-р Венко Андоновски, дописен член на МАНУ, Чифлиганец го оцени како егзистенцијалистички феномен од македонската лоза, кој верува и докажува дека човекот и неговиот живот имаат смисла, дека таа смисла се работата и подвигот за еден подобар свет. Книгата не го отсликува само главниот лик, авторот Чифлиганец, туку таа се однесува на многу генерации Македонци, отсликувајќи го битието на Македонецот во временска дистанца од 150 години наназад и македонскиот код, со кој многумина ќе се идентификуваат.
„Драго ми е што во нашата Македонија ги подигнавме стандарите за висока градба, не чекавме да дојде енергетска криза за да ги поставаме првите фотоволаици пред 13 години, да ги воведеме енергетски ефикасните домови пред 16 години и од квалитетот по кој сме препознатливи, продобивки да има целото општество“, порача д-р Драгана Д. Чифлиганец, извршен потпретседател на Адора Бизнис Групацијата, која има диверзифицирани бизниси во различни сфери и географски подрачја.

На прославата, со која се одбележаа 20 години јубилеј на интернационалниот бренд Адора, 45 години работен стаж, 35 години од докторирањето и 30 години успешно менаџирање на неговиот основач проф. д-р Ванчо Чифлиганец и 30 години самостојна Македонија, им беше изразена благодарност за заедничките успеси и поддршката на тимот на компанијата, институциите, соработниците и сите пријатели на големото семејство Адора инженеринг.


Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.
ЕУРОДИЗЕЛ ќе се продава по цена од 92 денари за литар.
Eкстра лесното масло за домаќинство поевтинува за три денари и ќе чини 100,50 денари,
Цената на мазутот М-1 НС се намалува за 0,998 денари по килограм и изнесува 48,314 денари.
Македонија
ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!
Published
3 дена agoна
ноември 13, 2026By
Media Press
На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.
Македонија
Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот
Published
3 дена agoна
ноември 13, 2026By
Media Press
Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.
Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.
📅 Дата: 26.12.2026 година
📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.
Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!


