Connect with us

Струмица

Општина Струмица го одбележа Денот на заштитниците на градот-Светите петнаесет Тивериополски свештеномаченици

Media Press

Објавено на

Општина Струмица со пригодна програма го одбележа Денот на заштитниците на градот-Светите петнаесет Тивериополски свештеномаченици. Во истоимената црква се одржа света литургија на која присуствуваа градоначалникот Костадин Костадинов и неговите гости, меѓу кои беше и евроамбасадорот Дејвид Гир, членови на Советот и голем број граѓани.

Одбележувањето продолжи во Центарот за култура ,,Антон Панов” каде се одржа свечената седница на Советот на општина Струмица на која за значењето на овој ден зборуваше градоначалникот Костадин Костадинов.

„Денес кога ни празнуваат душите и срцата во кои подигнавме храмови посветени на свештеномачениците, треба да го слушнеме Божјиот глас кој ни вели да се однесуваме и да дејствуваме согласно правилата за движење на патот кој сме го одбрале. Тоа е патот на човечноста, тоа е патот на добрината, тоа е патот на соработката, разбирањето, солидарноста, хуманоста, милосрдието и подадената рака. Тој пат не води до кантарот на кој се мерат нештата во животот. На едната страна од кантарот ќе ги препознаеме омразата, зависта, злото, нечовечноста и лагата, а на другата-љубовта, човечноста во човека, добрината и вистината“, рече Костадинов.

На свечената седница традиционално беа доделени годишните награди и наградата за животно дело “Свети Петнаесет Тивериополски свештеномаченици”. Наградата за животно дело ја доби поранешниот македонски кошаркарски репрезентативец и интернационалец, Владо Илиевски за особен придонес во областа на спортот.

Годишната награда ја добија КУД „Браќа Минкови“ од село Куклиш за особен придонес во областа на културата и уметноста, Мирјана Бурназ Кремшовски и Фестивалот на камерен театар „Ристо Шишков“, исто така, за особен придонес во областа на културата и уметноста, Ѓорги Костов во областа на хуманоста и крводарителство, Марјан Sингаров во областа на уметноста и Иван Станоевски во областа на културата.

На евроамбасадорот Дејвид Гир, му беше доделено специјално признание за извонредната соработка и континуираната поддршка на општина Струмица.

На седницата присуствуваа претставници на дипломатскиот кор во државата, на Владата на Република Македонија, поранешниот премиер Зоран Заев, црковни великодостојници, претставници на државни и општински институции и организации и граѓани почитувачи на Светите 15 Тивериополски свештеномаченици.

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе