Connect with us

Радовиш

Чапов: Време е да се погледнеме во очи и да си кажеме – сакаме или нејќеме убав и развиен Радовиш

Media Press

Објавено на

Со објава на својот ФБ профил Игор Чапов, раководител на одделение во ЕЛС- Општина Радовиш, ги повикува граѓаните на Општина Радовиш активно да се вклучат во развојот на Општината со свои идеи, предлог проекти и сугестии, а не само со критики на досега сработеното потенцирајќи: „Време е да се погледнеме во очи и да си кажеме – сакаме или неќеме убав и развиен Радовиш“.

„Почитувани сограѓани, пријатели и чесни луѓе !

Мирослав Илич остана запаметен во Радовиш по изјавата„ТЕК СМО ПОЧЕЛИ“.Ако се врземе за неа, ќе ни најдете маана – па шо чекате цела година !Е сега…Одговорот е: ич не чекаме … анализирааме, утврдииме И ПОЧНУВАМЕ ! Почнуваме со професионален, чесен, одговорен и транспарентен процес за развој на Радовиш и населените места.Доста беа детски приказни, лажни ветувања и убедувања, неконструктивни критики и поделена одговорност.Време е да се погледнеме во очи и да си кажеме – сакаме или нејќеме убав и развиен Радовиш.Сакаме или нејќеме да дадеме се од себе и сите заедно да придонесеме за нашиот заеднички живот во оваа општина.Можеби, Градоначалникот Ацо Ристов и Советот на општина Радовиш, во првата година од работењето кај Вас не побудија некое посебно задоволство дека работат успешнои имаат со што да се пофалат.Во ред, но не е така ! Професионалниот пристап кон решавањето на проблемите, транспарентното споделување на информациите и воспоставувањето на високо ниво на соработка во првата година од работењето, одземаа многу време, но после многу години – ги поставија најцврстите темели за развој на Радовиш.И ќе се вратам на изјавата „Тек смо почели“.Да. Почнуваме нова иднина за Радовиш.Иднина во која мораме сите да се вклучиме.Ја имаме шансата да докажеме дека не е точна тезата на Мориц Романо дека „Ние радовишаните сме чешит народ. Меѓу нас сопки си тураме ама јабанџиите ги уважаваме„.Имаме шанса да докажеме дека, веќе Радовиш не е„касаба помеѓу Струмица и Штип“, туку дека е – модерен град со модерни населени места.И таков и ќе биде.Ни следува напорна и чесна работа.Ќе бараме поддршка и помош од сите Вас. Секој еден жител ќе биде вклучен во решавањето на проблемите.Од сите, без разлика дали се тука или во странство, дали се млади или стари, дали се македонци, турци или роми, од сите ќе бараме соработка. Немаме друг избор освен мирен, чист и развиен Радовиш !“ стои во објавата на Игор Чапов, ЕЛС Општина Радовиш.

Објавата на следниот линк: https://www.facebook.com/capov.igor

прикажи повеќе

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе