Радовиш
Со пригодна програма ООУ „Крсте Петков Мисирков“ – Радовиш го одбележа својот Патронен празник
ООУ „Крсте Петков Мисирков“ – Радовиш го одбележа својот Патронен празник. На Свечената академија која се одржа синоќа во Центарот за култура „Ацо Караманов“, учениците, подготвени од своите ментори- одделенските наставници и наставниците по македонски јазик и музичко образование, пред големиот број публика, ја презентираа богатата мултимедијална програма за чествување на Патрониот празник.
Свеченоста ја отвори директорката на училиштето Лујза Спасова, која ги поздрави присутните.
Притоа, од нејзина страна му беше врачена Плакети на поранешниот извршен директор на Рудникот Бучим Николајчо Николов, за како што рече, несебичното помагање на училиштетото да се обезбеди со потребната опрема при спроведувањето на онлајн настават од пред две години поради ковид пандемијата, како и помош при други потреби на училиштето. Плакета беше врачена и на директорот од збратименото училиште од Општина Велика Плана, Србија.
Во продолжение учиниците се претставија со богата музичка програма, поетско сценски рецитал „Туѓината пуста да остане“ во изведба на учениците од осмо и деветто одделение, и драмата Печалбари.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Стартува изборната кампања за парламентарните избори
Гордана Силјановска Давкова: На оваа ужасна пирамида македонска, на врвот има неколку проценти пребогати луѓе, а долу останаа осиромашените
Пендаровски од Гостивар: Ја вративме слободата, изградивме еднакво општество
Димитриевски: Македонија заслужува претседател од граѓаните, кои го даваат легитимитетот за тој што ќе ги претставува и заштитува
