Радовиш
Со пригодна програма за добредојде на првачињата започна првиот училишен ден во ООУ Никола Карев во Радовиш
Среќен почеток на образовниот процес и добредојде на првачињата им посакаа учениците од погорните оделенија во ООУ Никола Карев во Радовиш, со подготвена програма посебно за првиот училишен ден.
Околу 85- те првачиња кои своето образование го започнуваат во ова училиште, ги поздрави доректорот Кире Јанковски.
Во двете општински училишта „Никола Карев“ и „Крсте П.Мисирков“ во име на Градоначалникот на општина Радовиш, на сите ученици од основното образование, среќен и успешен почеток им посака Секретарот на општина Радовиш, Љупче Почивалец. Од името на Општина Радовиш, тој ги поздрави првачињата и родителите и притоа спомна дека во понеделник на секое прваче ќе му биде подарено ранец со комплет училишен прибор, подарок од градоначалникот Ацо Ристов и фирмата Адора Инженеринг на Проф. д-р Ванчо Чифлиганец.
Претставници од локалната самоуправа имаше и во општинските основни училишта „Орце Николов“ во Ињево, „Коста Рацин“ во Подареш и „Кирил и Методиј“ во Ораовица, каде исто така на учениците и на наставниците им беше честитан почетокот на новата учебна година. Највозбудени и најсреќни беа секако првачињата кои за прв пат пристигнаа во училишниот двор и со нетрпение чекаа да влезат во училница, со што започнува нова ера во нивниот живот.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Стартува изборната кампања за парламентарните избори
Гордана Силјановска Давкова: На оваа ужасна пирамида македонска, на врвот има неколку проценти пребогати луѓе, а долу останаа осиромашените
Пендаровски од Гостивар: Ја вративме слободата, изградивме еднакво општество
Димитриевски: Македонија заслужува претседател од граѓаните, кои го даваат легитимитетот за тој што ќе ги претставува и заштитува
