Connect with us

Василево

Бесплатен училишен прибор за првачињата во општина Василево

Media Press

Published

на

На околу 100 првачиња кои на први септември ќе седнат во училишните клупи, општина Василево им подготви бесплатен училишен прибор.

„Намерата ни е  на тој начин да им посакаме добредојде во училиштето  и да им го разубавиме првиот училишен ден, кој за сите првачиња е незаборавен. Како локална самоуправа, подеднакво водиме грижа за сите наши сограѓани,  а овој чин е внимание кон нив како членови на нашата заедница но и почит кон еден од најважните денови во нивниот живот“, е ставот на градоначалникот на општина Василево Славе Андонов, кој ја продолжува традицијата на дарување бесплатен училишен прибор на првачињата на првиот училишен ден.

Според информации од двете основни општински училишта „Гоце Делчев“, Василево и „Атанас Нивичански“, Нова Маала, уписите за првачињата сеуште траат и како што покажува искуството од претходните години, дечиња кои од различни причини не се запишале во термините во кои се спроведувале уписите, се запишуваат и во деновите од месец септември. Бројката на запишани првачиња во ООУ „Гоце Делчев“ е 60 (шеесет) дечиња, а во ООУ „Атанас Нивичански“, 39 (триесет и девет).

И во двете основни општински училишта, на првиот училишен ден,  првачињата ќе бидат дочекани на свечен начин, со програма, специјално подготвена за нив од нивните повозрасни другарчиња.

Василево

Градоначалникот на општина Василево Славе Андонов оствари средба со претставници на Европската академија на регионите

Media Press

Published

на

Денес, градоначалникот на општина Василево, Славе Андонов, во својот кабинет оствари средба со  членовите на одборот на EAR-AER Европската академија на регионите – Académie européenne des regions, Luis Deklart и Nelu Neacsu кои како партнери на  БИЦСР(Business Innovation Center Strumica), со финансиска поддршка од владата на Фландрија (Белгија) во периодот од 24-28 септември 2022 година, преземаат мисија за утврдување на фактите во Северна Македонија.

Целта на мисијата е да се сретне со претставници на регионални и локални власти, непрофитни здруженија и претставници на бизниси за да ги информира за активностите и услугите на Академијата, да ги информира за можностите за финансирање од ЕУ програми и фондови и да обезбеди насоки за зголемување на ефикасноста на проекти што ќе ги подготват во рамките на процесот на усогласување со ЕУ.

Прочитај повеќе

Василево

Во Сушево се одржа Mеѓународен фолклорен фестивал „Весело на сред село“

Media Press

Published

на

Викендот во селото Сушево во организација на КУД „Сушевски бисери“, а под покровителство на Општина Василево се одржа првиот Меѓународен фолклорен фестивал „Весело на сред село“.

На фестивалот, покрај домаќините настапија и КУД „Негорци“ од Негорци, ФА „Подарешани млади“ од Подареш, гостите од Србија и Бугарија, Здружението „Марко Цара Миланович“ од Каоник, Крушевац, НЧ „Антон Панов-1962“ од село Самуилово, Петрич, ЖПГ „Самуилски славеи“ и Танцова група и Танцова школа „Тепсихора“ од Дупница.

Добредојде на сите учесници им посака градоначалникот на општина Василево, Славе Андонов, кој истакна дека токму преку овој фолклорен фестивал со музиката и фолклорот се навраќаме на нашите корени, на изворот од каде ја црпиме енергијата, ги оживуваме спомените кои не поврзуваат низ годините и се наша водилка и инспирација за следните предизвици.

Прочитај повеќе

Василево

Со механизација, ангажирана од општина Василево се чисти поројот во село Сушево

Media Press

Published

на

Со механизација, ангажирана од општина Василево, деновиве во населеното место Сушево се одвиваат активности за чистење на отворениот канал, попознат како  порој. Големи количини на наталожена земја и вегетација се отстрануваат од коритото на каналот, чија примарна функција е апсорбирање и канализирање на водите кои надоаѓаат за  време на врнежи и можат  да бидат особено опасни, доколку неконтролирано се излеваат.

Градоначалникот на општина Василево Славе Андонов, ги најави и планираните активности кои ќе се реализираат во наредните денови.  „Во населеното место Сушево наредните денови ќе се изврши уредување и на јавните површини во пресрет на празникот Рождество на Пресвета Богородица“.

За наредниот период, како што најави Андонов во населеното место Василево,  планирано е и чистење на бетонскиот трапезен канал, во близина на ООУ „Гоце Делчев“ во Василево.

Прочитај повеќе