Connect with us

Радовиш

Во духот на молитвата, викендот Радовиш го одбележа патронот на градот „Свети Спасо Радовишки“

Avatar

Published

на

Во духот на молитвата, викендот Радовиш го одбележа Свети Спасо Радовишки, заштитник на градот. По одржаната вечерна богослужба во саботата во црковниот храм „Света Троица“ и покрај врнежливото време, сепак беше организирана голема  вечерна литија до параклисот посветен на „Св. маченик Спасо Радовишки“.

Свештените лица од двата црковни храма од Радовиш одржаа молебен во присуство на верниците,  меѓу кои беше и градоначалникот на Радовиш Ацо Ристов и други гости.

Празнувањето на заштитникот на градот Радовиш „Св. Спасо Радовишки„ продолжи и вчера со одржување на архиерејска божествена литургија во ЦХ „Света Троица“ во присуство на голем број верници. Во рамките на одбележувањето на заштитникот на градот Радовиш Свети Спасо Радовишки за прв пат беше органзирана и манифестацијата МЕДЕН РАДОВИШ, како и дефиле на близнаци , БЛИЗНАЦИ СМЕ, СВОИ СМЕ во организација на Општина Радовиш и центарот за култура „Ацо Караманов“ како и концерт на музичката група Троја од Радовиш.

Светиот Маченик  Спасо  бил  голем верник по потекло од Радовиш  кој маченички пострадал пред многу години  за верата христова. Новомаченикот Спасо, Македонец, на дваесет години родителите го испратиле во Солун да учи занает. Таму го присилувале да прими ислам, но откако не се откажал од својата вера, бил измачуван, ги поднел сите страдања и одејќи кон бесилката измачениот Анастасиј (Спасо) паднал и ја предал својата душа на Господа. По неговата меченичка смрт, преподобниот Никодим Агиорит го напишал неговото житие.

Македонската црква неговиот празник го слави на 8 август според јулијанскиот календар, или 21 август според Грегоријанскиот календар.

Радовиш

Винарија Кукутанов е нова радовишка винска приказна

Avatar

Published

на

Долгoгодишното искуство за правење на вино, силната винска страст и поволните климатски услови во радовишкото поднебје, придонесоа за отворањето на Винарија Кукутанов, која веќе на самиот почеток со своите високо квалитетни вина се наметнува на домашниот и регионалниот пазар.

Со капацитет за производство од 30.000 шишиња годишно, Винарија Кукутанов е нова радовишка винска приказна за која тек ќе се зборува. За почеток, фокусот е на добропознатите Шардоне и Р’кацители, уникатното Розе, добиено од автохтоната сорта на грозје Радовишка (Ж’та) прачка и елегантното Мерло „зачинето“ со радовишки тероар, вина наменети за страсните љубители на винoто. Уникатноста и квалитетот на Кукутанов вината се нивен заштитен знак, а оние кои еднаш ќе ги пробаат им остануваат верни.

Прочитај повеќе

Радовиш

Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш

Avatar

Published

на

Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.

Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.

Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.

Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.

Прочитај повеќе

Радовиш

Обука за препознавање и воспитно-образовна работа со деца во социјален ризик, се одржа во Радовиш

Avatar

Published

на

Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.

Предавачи беа проф. д-р Зоран Киткањ и проф. д-р Ана Фрицханд.

Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.

Прочитај повеќе