Connect with us

Радовиш

Се знае ценовникот за зонското паркирање во Радовиш, советниците го изгласаа на вчерашната седница

Media Press

Published

на

Предлог одлуката за цени на јавните површини наменети за паркирање во Радовиш беше изгласана на вчерашната седница на Совет со 10 гласа ЗА од советниците од ВМРО -ДПМНЕ и Колацијата и 6 против од опозицијата. Со поставени само две прашања од страна на советниците од СДСМ и Коалицијата: Дали цената за еден час паркирање од 30 денари не е висока за Радовиш, и каде ќе паркираат земјоделците и трговците кои донесувааат земјоделски производи на пазарот, точката помина без поголема дискусија.

Ценовникот го образложи директорот на ЈП Плаваја, Радовиш Дејан Крстев свое дополнување имаше и градоначалникот Ацо Ристов. 

Според ценовникот по 30 денари за еден час се плаќа во првата зона, која го опфаќа речиси целото градско подрачје на Радовиш и десната срана по течението на Радовишка река, односно улица “Кеј 8 септември“. По 20 денари за еден час ќе се наплаќа во втората зона која се протега од почетокот на градот по левата страна на течението на Радовишка река се до спортската сала и двете ленти на билеварот „Александар Македонски“.

Граѓаните кои што живеат во централното подрачје или во Прва зона и кои немаат никакви услови за сопствен паркинг ќе плаќаат по 300 денари месечно или 3.600 денари годишно, иако претходно беше најавувано  од Општина Радовиш, дека со одлука на Совет може да се изгласа да ги следува овие домаќиства бесплатен паркинг за едно возило, како што е во Струмица и Штип или тоа ќе биде симболична цена од 300 денари годишно. А доколку некој има и второ возило ќе се плаќа по 500 денари месечно или 6.000 денари годишно.

 И покрај тоа што ќе плаќаат овие домаќинства нема да имаат резервирано паркинг пред својата куќа, туку ќе се паркираат било каде на улицата, ако има слободно место, но само на улицата за која платиле или во подниво на најблиската улица.

Пример ако нема место на улица Илинденска (што во пракса секогаш е зафатено секое паркинг место) ќе може да се паркираат само покрај реката на „Кеј 8 септември“ до пазарот, секако ако и овде е слободно, во спротивно ќе се паркирате на некое друго место и повторно ќе платите од час. А доколку овие граѓани сакаат да имаат резервирано паркинг пред својата куќа тоа ќе ги чини 40.000 денари годишно.

Радовиш

Радовиш, домаќин на САЕМ ЗА ЛОКАЛЕН РАЗВОЈ – ЛАГ ЕКСПО 2022

Media Press

Published

на

Денес за прв пат во Радовиш, но и во Македонија се одржува САЕМ ЗА ЛОКАЛЕН РАЗВОЈ – ЛАГ ЕКСПО 2022. Учесници се тимот на Програмата на УСАИД за развој на заедницата, имплементирана од Мрежата за рурален развој на Северна Македонија и Балканската мрежа за рурален развој поддржана од We Effect, во соработка со ЛАГ Плачковица како домаќин и ЛАГ Абер 2015, ЛАГ Беласица-Огражден, ЛАГ Бојмија и ЛАГ Малеш-Пијанец како партнери. На настанот се обратија Џери Дајбл, претставничка на Канцеларијата на УСАИД во Северна Македонија и Абдулшуќур Абедини заменик министер за земјоделство, шумарство и водостопанство. Помеѓу присутните се и градоначалници на општините од регионот како и претставници од граѓанскиот и приватниот сектор од државата и земјите од Западен Балкан и ЕУ. ЛАГ ЕКСПО 2022 е прв саем од ваков тип во нашата земја каде низ презентации и панел дискусии претставници на Локалните акциски групи (ЛАГ-ови) од Македонија, Албанија, Србија, Косово и Хрватска ги претставија своите активности и дискусии за локалниот развој кој ги засега сите рурални заедници. САЕМСКАТА МАНИФЕСТАЦИЈА започна со свечено отварање од страна на градоначалникот на општина Радовиш г-дин Ацо Ристов. Поставени се штандови од повеќе општини кои ги претставија своите производи и активности кои се реализираат на териториите на ЛАГ-овите Бојмија, Беласица-Огражден, Малеш-Пијанец, Абер 2015 и Плачковица, пропратено со пригодна културно-уметничка програма.Целта на настанот е да се презентираат и да се споделат искуствата на Локалните акциски групи од Република Северна Македонија, како и од земјите на Западен Балкан и Европската Унија согласно LEADER пристапот како дел од политиките за локален/рурален развој.Програмата на УСАИД за развој на заедницата го унапредува одржливиот развој на руралните средини во Северна Македонија преку зголемена вклученост на локалните чинители во препознавање и приоретизација на вистинските потреби на заедницата – при тоа потпирајќи се на сопствените ресурси и на зголемениот ангажман на јавниот, приватниот и граѓанскиот сектор во заедничките социо-економски и еколошки иницијативи.

Прочитај повеќе

Радовиш

Радовиш ќе биде домаќин на САЕМ ЗА ЛОКАЛЕН РАЗВОЈ – ЛАГ ЕКСПО 2022, во организација на ЛАГ Плачковица

Media Press

Published

на

Радовиш ќе биде домаќин на САЕМ ЗА ЛОКАЛЕН РАЗВОЈ – ЛАГ ЕКСПО 2022. На поставени штандови од 18 општини, околу 50 изложувачи ќе ги претстават своите производи и активности кои се реализираат на териториите на ЛАГ-овите. Саемот ќе се одржи во петок, на 23 септември 2022 година, пред Центарот за култура „Ацо Караманов” во Радовиш, со почеток во 14:00 часот, во рамките на Програмата на УСАИД за развој на заедницата, имплементирана од Мрежата за рурален развој на Македонија и Балканската мрежа за рурален развој поддржана од We Effect, во соработка со ЛАГ Плачковица како домаќин и ЛАГ Абер 2015, ЛАГ Беласица-Огражден, ЛАГ Бојмија и ЛАГ Малеш-Пијанец како партнери.

САЕМСКАТА МАНИФЕСТАЦИЈА ќе започне во 14:00 часот, со свечено отварање од страна на градоначалникот на општина Радовиш Ацо Ристов а домаќин ќе биде ЛАГ Плачковица.

ЛАГ ЕКСПО 2022 е прв саем од ваков тип во Радовиш и во Македонија, каде низ презентации и панел дискусии претставници на Локалните акциски групи (ЛАГ-ови) од Македонија, и гостите од Албанија, Србија, Косово Босна и херцеговина и Хрватска ќе ги претстават своите активности и ќе дискутираат за локалниот развој кој ги засега сите рурални заедници.

САЕМСКАТА МАНИФЕСТАЦИЈА ќе започне во 14 часот и ќе трае до 18 часот. Целта на настанот е да се презентираат и да се споделат искуствата на Локалните акциски групи од Република Македонија, како и од земјите на Западен Балкан и ЕвропскатаУнија

Прочитај повеќе

Радовиш

Реализиран настан „Возење велосипеди – промовирање на велосипедот како превозно средство“ во организација на ООУ Никола Карев, Радовиш

Media Press

Published

на

ООУ „Никола Карев“, Радовиш денеска реализира настан „ВОЗЕЊЕ ВЕЛОСИПЕДИ – ПРОМОВИРАЊЕ НА ВЕЛОСИПЕДОТ КАКО ПРЕВОЗНО СРЕДСТВО.

„Настанот се организира по повод Меѓународниот ден на мирот – 21 Септември и Меѓународниот Ден без автомобили 22 Септември, а во согласност со програмата на училиштето за одбележување на еколошки и други важни датуми“, истакна директорот на ООУ Никола Карев, Радовиш, Кире Јанковски.

Настанот се реализира со ученици од предметна настава за време на 4-ти час.

Истиот беше обезбеден со полициска придружба и асистенција на утврдената маршрута, со претходно доставено барање до надлежниот орган, ОВР Радовиш.

Прочитај повеќе