Голем број реакции од граѓаните по објавената онлајн анкета на РТВ Кобра во однос на функционалноста на улицата Свети Спасо Радовишки или градското шеталите во Радовиш, по извршената реконструкција и новото сообраќајно уредување. Граѓаните кометираа одговарајќи на прашањето: Како го оценувате новиот сообраќаен проект на Општина Радовиш поврзан со воведување на зонско паркирање како и новиот сообраќаен режим?

Во текот на 24- часовното анкетирање, поголемиот број од граѓаните имаа замерки на зголемената фреквенција на возила како и паркирани возила на улицата со што сметаат дека градското шеталиште ја изгубило својата смисла. Граѓаните најчесто се жалеа на вечерниот сообраќај, кометирајќи дека навечер сообраќајот треба да се забрани. Токму затоа побаравме одговор од Општина Радовиш, дали е предвидено забрана за сообраќај во вечерните часови кога граѓаните излегуваат да се прошетаат.

Градоначалникот Ацо Ристов во интервју за РТВ Кобра рече дека новото сообраќајно уредување предвидува забран за сообраќај од 19 часот до 03 часот по полноќ и дека се чекало само на поставување на сообраќајните знаци. Тој ги замолува граѓаните кои што живеат на градското шеталишта за уште малку разбирање, бидејќи како што вели со воведувањето на зонското платено паркирање улицата ќе се растерети и ќе се паркира правилно и одговорно.

 Целта на реконструкцијата на улицата и отварањето за сообраќај како што вели градоначалникот Ристов, е истата да заживее, да се врши дотур на стока до деловните простории а да се отвори паркинг простор за граѓаните кои што живеат и работат на улица Свети Спасо Радовишки, кое ќе се постигне со стартувањето на платеното зонско паркирање

 Во однос на еднонасочните улици во градот за кои некои од граѓаните имаат забелешка дека е нефункционално, градоначалникот Ристов вели дека се е според сообраќајните правила и дека мора да се воведе ред во градот.