Струмица
Вкупно 20 настани на годинашното 11-то издание на Струмица Опен Фестивал
Објавено на
Од
Media Press
Годинашното 11-то издание на Струмица Опен Фестивал ќе се одржи од 25 јули до 19 август со вкупно 20 настани на повеќе отворени сцени во градот.
Градоначалникот Костадин Костадинов одржа работен состанок со координаторите на повеќето од настаните на кој се разговараше за подготвителните активности и програмските содржини.
„Фестивалската програма ќе биде разновидна и со одлични понуди и за љубителите на музиката, поезијата, филмот, афоризмите, спортот и тоа што за мене е најважно и сите изведувачи ќе бидат од Република Северна Македонија. Некои можеби ќе се запрашаат зошто се организира фестивал имајќи ги в предвид сите кризи со коишто се соочуваме?
Одговорот е едноставен, затоа што на народот му треба живост, особено на Струмица и струмичани коишто по менталитет се навикнати да живеат во град со најразлични содржини, музички концерти и спортски настани и затоа вреди и мора да се организира еден таков фестивал. Сите настани се убави и заслужуваат почит од сите нас, но но нема да бидам Костадин Костадинов ако не истакнам еден што посебно ми лежи на срце, станува збор за најголемата македонска и струмичка музичка легенда, Гоце Арнаудов.
За прв пат во државата организираме настан целосно посветен на оваа наша музичка легенда и затоа ги повикувам струмичани, но и граѓаните на цела држава да дојдат да ги следат сите 20 настани и заеднички да го уживаме ова 11-то издание на Струмица Опен Фест“, рече градоначалникот Костадин Костадинов.
Фестивалот е во организација на Здружението на граѓани „Културен забавен живот“, а поддржан од општина Струмица.
Поврзани содржини

Со спектакуларен концерт на Каролина Гочева во Градскиот парк во Струмица, заврши Струмица Опен Фестивал 2025

Заврши третата музичка вечер на Струмица Опен Фестивал

Започнува неделата на музички концерти во рамките на програмата Струмица Опен Фестивал 2022

Со проекција на Медена земја заврши втората недела од Струмица ОПЕН фестивал
Струмица
Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица
Published
3 дена agoна
ноември 13, 2026By
Media Press
ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА
Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.
Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.
Најдобрите идејни решенија ќе ги избира стручна жири-комисија.
Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.
Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.
Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.
Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.
Струмица
Општина Струмица денес ја одржа 18-та седница на Советот на општина Струмица
Published
3 дена agoна
ноември 13, 2026By
Media Press
Нови развојни планови за Струмица, финансиска стабилизација и инвестиции во 2027 година!
На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.
Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.
Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.
На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.
Струмица
Ново мултифункционално игралиште во Куклиш
Published
3 дена agoна
ноември 13, 2026By
Media Press
НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште
Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.
Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!






