Конче
ЛАГ Плачковица реализира локална иницијатива за партерно уредување на централното подрачје во с.Лубница
ЛАГ Плачковица реализира локална иницијатива за партерно уредување на централното подрачје во с.Лубница, за подобрување на условите за живеење во руралните средини. Оваа инивијатива како што вели Столе Ѓоргиев од ЛАГ Плачковица, произлегла од самите локални чинители и жители од општина Конче.
Во рамките на проектот ќе биде уреден и пристапниот пат до црквата Свети Константин и Елена — главна селска црква во селото Лубница. Црквата е изградена во 1840 година и се наоѓа во средишниот дел од селото, но речиси е запоставена. Со овој проект се прават напори да се уреди барем влезот.
Работните активности се во понапредна ваза и се очекува за околу 2 месеци целосно да биде звршен овој проект.
Лубница е многу старо село, едно од најстарите села во Лакавичко и Радовишко за што сведочат пишани записи уште од XIV век. Селото е сместено во средишниот дел на Општина Конче, на само 3 километри од општинското средиште Конче.
Иницијатива за партерно уредување на централното подрачје е дел од проектот на УСАИД “Програма за развој на заедниците” кој го спроведува Мрежата за рурален развој на Македонија, преку ЛАГ Плачковица, општина Конче, ЈКП Лакавица и трговското друштво ЕЛДИСИ од с.Лубница.
Конче
Завршна презентација на проектот NETOURAL кој успешно го спроведе Општина Конче во изминатите две години
Одржана завршна презентација на проектот NETOURAL кој успешно го спроведе Општина Конче во изминатите две години, прекуграничен проект со република Грција, а во партнерство со здружението Туристички сојуз од Струмица.
Градоначалникот Златко Ристов во своето обраќање спомна што се е направено преку овој проект во Општина Конче и колку е значаен за промовирање на културното и природното наследство.
Преку овој проект во Општина Конче се уредени простории за промовирање на туризмот и за потребите на општината.
Конче
Општина Конче наскоро ќе започне со изградба на прочистителна станица на отпадни води за населено место Ракитец
Општина Конче наскоро ќе започне со изградба на прочистителна станица на отпадни води за населено место Ракитец, за што се обезбедени средства и е потпишан договор за реализација на овој проект.
На јубилејната 15-та година од постоењето на Центар на Југоисточен плански регион, градоначалникот на Општина Конче Златко Ристов потпиша договор за реализација на проект-Изградба на прочистителна станица на отпадни води за населено место Ракитец, во вредност од 8.631.200 денари, каде 5.184.482 денари се обезбедени преку ЦРЈИПР, односно Биро за рамномерен регионален развој , а остатокот од општински средства.
„Со тоа се врши заштита на животната средина каде ќе вложиме повеќе средства во иднина…Продолжуваме со грижата за чиста и еколошка средина во сите населени места!“ објави градоначалникот Ристов на социјалните мрежи.
Современо противпожарно возило за гаснење на шумски пожари и спасување доби ТППЕ од Радовиш
Изработена е првата карта за опасности од поплави за Радовиш
Пред два дена исчезнало лице со нарушно здравје од својот дом од Струмица
Здравствен дом – Радовиш потпиша Меморандум за соработка со ЗПОРК, повеќе бесплатни прегледи во 2024 за пензионерите
