Валандово
Започнува изградбата на првото унклузивно игралиште во Валандово
Започнува изградбата на првото унклузивно игралиште во Валандово со што се прави уште еден исчекор кон сестрана заедница која вклучува и креира еднакви шанси за секој човек ова денеска го најави градоначалникот Перо Костадинов на својот ФБ профил.
Детското игралиште, има за цел да ја подигне свеста за различностите на повисоко ниво, да овозможи место за игра на децата со попреченост со останатите деца и да направи уште еден чекор напред кон поголема инклузија во нашата заедница, велат од општината.
Изразувам благодарност кон амбасадата на СР Германија и здружението ИСЧЕКОР – ОПШТЕСТВО ЗА СИТЕ, за иницијативата и партнерскиот пристап во реализацијата на овој проект, вели градоначалникот Перо Костадинов.
Костадинов додава дека Валандово е заедница на граѓани со големи срца.
„Го сакаме светот со многу бои, си подаваме рака еден на друг и се надополнуваме меѓусебно“, вели Костадинов.
Во фестивалската сала Јанко Узунов во Валандово, викендот се одржа 36 издание на фестивалот на новосоздадена македонска песна „Фолк Фест Валандово 2023“.
Се натпреваруваа 20 композиции, творени во духот на македонската фолк музика.
За победник на фестивалот е избрана композицијата Ема Убава изведена од Мишко Крстевски, второтопласирана е композицијата “Ни седум неба ни седум гори” на Елена Андоновска, а за трето место беше избрана композицијата “Букет од сомнежи” на Анета и група Молика.
Вечерта помина со многу музика и силни емоции. Награда за животно дело постхумно беше доделена на Ѓоко Дончев, за се што создал на македонската музичка сцена и вредноста што ја оставил зад себе.
Ревијалниот дел, беше посветен на виртуозот на харминика и композиторот Милан Завков, во чија чест група изведувачи и негови пријатели музичари изведоа музички омаж.
„Фолк Фест – Валандово, е симбол на нашата заедница и традиција која ја негуваме и надградуваме генерации наназад. Фестивалот има исклучително културолошко значење и истиот е дел од нашата идентитетска посебност“, напиша градоначалникот Перо Костадинов на својот фејсбук профил.
Детската градинка во Радовиш организира работилница за уредување на дворните површини во објектите
Регионална средба во ОНБ „Браќа Миладиновци“ во Радовиш
Завршена изградбата на помошен објект при Домот на културата „Ацо Караманов“ во Радовиш
Во понеделник координативен состанок на субјектите, учесници на манифестацијата “СAМУН ем ТАТЛИЈА 2023“ во Радовиш
