Општина Радовиш е избрана за пилот -локација како дел од проектот АДАПТ со цел да се намалат ризиците од природни катастрофи
Општина Радовиш е избрана за пилот -локација како дел од проектот АДАПТ со цел да се намалат ризиците од природни катастрофи и прилагодувањето кон климатските промени.
Проектот се реализира во соработка со Министерство за животна средина и просторно планирање и Центар за управување со кризи, Регионалата канцеларија за Источна Европа и Централа Азија на Меѓународната унија за заштита на природата (ИУЦН).
Во салата на Советот на Општина Радовиш се одржа првата консултативна средба за заштита од поплави со примена на решенија засновани врз природата во Радовиш и презентација на иницијативата АДАПТ.
„Станова збор за регионален проект наречен АДАПТ кој го започнавме пред две години, тоа произлегува од прилагидување на климатските промени односно адаптација. Проектот е помогнат од страна на Шведската агенција за развој за што и благодариме. Меѓународната унија за заштита на природата (IUCN), има за цел да му помогне на светот да изнајде прагматични решенија за најголемите еколошки и климаткси проблеми. Ние уште во 2020 година објавивме решенија за заштита на природата, можеби сте слушнале се зборуваше и регионално и локално, а односно се зборува за природата и проблемите кои ги донесува промената на климата. Ја одбравме Општина Радовиш затоа што овде веќе има една ваква активност со Јапонската агенција за развој и што има интерес од страна на општината, а од друга страна што сте изложени на поплави и катастрофи и заради тоа ја избравме Општина Радовиш и ќе се обидеме да ги примениме овие решенија. Она што ние ќе го направеме е да направиме детална презентација и да го подготвиме идниот проект. Ова е прв проект кој го работеме во регионот„ рече Борис Ерг, директор на Регионалната канцеларија за Источна Европа.
Градоначалникот на Општина Радовиш Ацо Ристов
рече дека заштита од поплави е од животно значајна работа од кој зависи и
развојот на Радовиш. Тој рече дека како општина со задоволство ќе го поддржат
овој проект.
Проектот АДАПТ е тригодишна иницијатива финансирана од Шведската агенција за меѓународна развојна соработка (Sida) и имплементирана од Регионалната канцеларија на ИУЦИН за Источна Европа и Централна Азија.Проектот работи на зголемување на отпорноста на екосистемите и заедниците на климатски промени и ризици од катастрофи со примена на решенија засновани врз природата во шест држави од Западен Балкан,вклучително и Македонија.