Според Општинските изборни комисии во Југоисточниот дел на државата, од обработените податоци за Локалните избори ќе има шареноликост во општинските совети.

Неофицијално во Општина Радовиш ВМРО -ДПМНЕ освои 8 советнички мест во идниот Совет. СДСМ освои 6 советнички места, ЛДП и ДОМ 3 советнички места и независната советничка листа влезе зо 2 советника.

Во Општина Конче е идентична ситуацијата, односно политички партии ВМРО-ДПМНЕ и СДСМ со нивните коалиции освоија по четири советнички мандати. Демократската Партија на Турците освои едно советничко место.

Во Општина Василево, најголемите политички партии ВМРО-ДПМНЕ и СДСМ со нивните коалиции си поделија по седум советнички места додека последното и 15 -то место во советот го освоија Коалицијата ЛДП и ДОМ со Движење одлучно за промени.

По издвоената победа во прв круг за градоначалник во Општина Босилово, победничката партија ВМРО-ДПМНЕ зазема осум советнички места наспроти шест на СДСМ. Последното советничко место го освои „Стига е“.

Во општините со освоени ист број на советнички места од политичките партии во Југоистокот се приклучува и Општина Ново Село со по седум советнички места на ВМРО-ДПМНЕ и СДСМ. Последното советничко место го освои „Стига е“.

Во Општина Струмица владејачката партија освои 13 советнички места наспроти опозициската ВМРО-ДПМНЕ која освои девет и еден советни од „Стига е“ .

Синоќа околу 20.50 часот во Полициската станица Радовиш било пријавено дека на булевар „Александар Македонски“ во Радовиш, патничко моторно возило „мерцедес“ со радовишки регистарски ознаки, управувно од М.М.(33) од Радовиш, удрило во пешакот Ц.Г.(53) од село Ораовица, радовишко.

Во незгодата со тешки телесни повреди се здобил пешакот констатирани во Медицински центар Штип. Увид на местото извршила екипа на Полициската станица Радовиш.

Според сегашниот Закон за работни односи, во неделата мора да има еден ден на неделен одмор, но тоа не мора да биде недела. Ако се работи во недела, ниту според законот, ниту според колектовните договори, следува додаток на дневница.

Токму ваквото законско решение досега им овозможуваше на работодавачите да ја третираат неделата како обичен работен ден, велат од Сојузот на синдикати на Македонија. Но, оттаму уверуваат дека новата регулатива, на која инсистираат, ќе стави крај на злоупотребите на неделите, односно неделата ќе биде неработен ден за сите, освен за строго дефинирани дејности и тоа со дополнително плаќање.

„На средбите со Владата и со работодавачите инсистираме точно да се знае во кои дејности ќе може да се работи во недела. Сега се договоривме за 34 дејности и тие треба да влезат во законската регулатива. На тој начин, треба да се оневозможат злоупотребите од страна на работодавачите, односно да се работи само во оние дејности каде што навистина производниот процес, или пак, потребите на општеството, тоа го бараат како неопходност. Но и дури да е неопходна работата во неделите, таа мора дополнително да биде платена“ – изјави Дарко Димовски, претседател на Сојузот на синдикати на Македонија.