Македонија
Штрајк на регионалните и локалните радиодифузери – прекин на програмата на секој час и неследење настани

Published
2 недели agoна
By
Media Press
Од денеска, 05.05.2022 год., регионалните и локалните радиодифузери ја прекинуваат програмата со аудиовизуелната содржина -Штрајк, на секој реален час по 5 минути и престануваат да следат настани од дневно-информативен карактер во регионот во кој емитуваат програма, информираат од здружението, Медиум Објектив.
Согласно одлуката на Здружението и известувањето од 16.04.2022 до надлежните институции, за почеток на штрајкот и негова реализација од 26.04.2022 година, регионалните и локалните радиодифузери, изминатите 10 дена по половина час во прајм тајм ја прекинуваа програмата со аудиовизуелна содржина, во која се наведува дека изразуваат револт заради игнорантскиот однос кон барањата на Здружението и неговите членки, испратени и препратени повеќе пати до Владата и надлежните институции уште од месец ноември 2021 година.
“Од Владата и надлежните институции до денеска нема никаков одговор и затоа штрајкот продолжува со втората фаза односно со прекинување на програмата секој реален час по 5 мин. и непокривање настани од дневно-информативен карактер во локалната заедница во која емитуваат програма”, велат од Медиум Објектив.
Во дописот до Владата, како што информираат оттаму се барало дискусија околу актуелната лоша состојба на регионалните и локалните радиодифузери и решавање на следните проблеми: Владата да донесе Одлука со која ќе обезбеди дополнителна финансиска помош од 50% за покривање на трошоците за надоместокот за дозволите за 2022 година, да се покријат трошоците за дигиталниот мултиплекс 2022 година кон А1 Македонија за регионалните тв станици кои емитуваат програма преку ДВБ-Т и да се надоместат трошоците на оние тв станици кои емитуваат програма преку оператор на јавна комуникациска мрежа и кон истиот вршат плаќање. Понатаму се бара измена и дополнување на членот 102 од Законот за ААВМУ со конкретен предлог и измена и дополнување на одредени членови во Законот за медиуми и Законот за ААВМУ во делот на формулата за плаќање на дозволата, во делот на висината на казнените одредби и во одредени уредби кои произлегуваат од законската регулатива. Регионалните и локалните радиодифузери исто така бараат формирање т.н Фонд за медиуми со кој би се субвенционирале програмски содржини со регионална и локална тематика, заради развој на програмската понуда и стимулитрање на демократскиот плурализам во општеството.
Од Здружението велат дека штрајкот ќе трае се додека Владата и надлежните институции не понудат решенија за настанатите проблеми или не создадат услови за преговори.
Поврзани содржини
Училишните клупи сè уште празни, учениците трета недела не одат на училиште
Владата го повикува СОНК да го прифати покачувањето на платите од 10%, учениците треба да се вратат во училиштата
МТСП: Згрижувањето и воспитанието на децата во градинките продолжува непречено
Штрајкуваат и вработните во основните училишта во Општина Радовиш
Професорите се на работа, но настава не се одржува во средното училиште во Радовиш
Медиумските работници од Југоистокот организирани од СЕММ дебатираа за известувањето во услови на Ковид-19
Македонија
Платите во образование од септември ќе бидат зголемени во просек од над 3.500 денари

Published
1 ден agoна
мај 18, 2022By
Media Press
Дијалогот помеѓу Владата и Синдикатот за образование, наука и култура успешно заврши. Постигнат е договор за зголемување на платите во образованието во висина од 15 отсто, од септември оваа година, односно зголемување во просек од над 3.500 денари, во време на најголема светска економска криза, информираат од СДСМ.
„Ова зголемување на платите е најголемото досега и заедно со досегашните 21% зголемување е историски најголемата поддршка на вработените во образованието.
До пред само 5 години, максималното зголемување на платите беше 4%, без глобални кризи.
Сега, во услови на најголема економска и енергетска криза, покрај огромното процентуално зголемување, на вработените во образованието, преку колективните договори ќе им се овозможи и усогласување со минималната плата како и други придобивки. Воедно, ќе се дефинира методологија за континуиран раст на платите со што ќе се заштити стандардот на наставниците и ќе се овозможи континуирано зголемување на плата без потреба од дополнителна владина, институционална или политичка интервенција“, вели премиерот Ковачевски во својата објава на социјалните мрежи.
Тој апелираше до СОНК за брзо и целосно прифаќање на договорените услови и одговорност, за да можат надлежните институции да продолжат со потребните активности за реализација на покачувањето
Македонија
Дијалогот со СОНК продолжува договорена следна средба на 17 мај

Published
6 дена agoна
мај 13, 2022By
Media Press
Министерката за труд и социјална политика, Јованка Тренчевска вчера оствари средба со претседателот на СОНК, Јаким Неделков, на која присуствуваа и претставници на синдикатот и Министерството за труд и социјална политика.
На средбата како што информираат од МТСП се разговарало за барањата кои се дел од одлуката за штрајк на вработените во детските градинки, а за кои во изминатиот период не бело отворена дискусија.
Исто така, се отворило и прашањето за платите на вработените за време на штрајк.
На состанокот било договорено дека дијалогот продолжува и воедно се договорила следна средба на 17.мај со цел изнаоѓање на решенија во рамки на позитивните законски прописи.
Страните разговарале и за формирање на работна група за нов Колективен договор за предучилишните установи, чија важност истекува со месец јуни.
„Новиот Колективен договор треба да понуди нови решенија кои ќе значат унапредување на предучилишното згрижување и воспитување“, вели министерката Тренчевска.
Македонија
Македонската претставничка Андреа Коевска не успеа да се избори за пласман во големото финале на Евросонг

Published
6 дена agoна
мај 13, 2022By
Media Press
Македонската претставничка на Евровизија 2022 Андреа Коевска не успеа да се пласира во финалето по настапот синоќа на евровизиската сцена во Торино.
Во второто полуфинале на Евровизија 2022 настапија 18 земји а само десет се изборија за место во финалето.
Македонската претставничка ја испеа „Circles“ во рамките на втората полуфинална вечер, но за жал не успеа да се избори за пласман во големото финале на Евросонг во Торино и се враќа дома.
Андреа настапи под реден број 11 и ја претставуваше Македонија.
Нејзиното учество беше неизвесно откако таа случајно или не, го фрли знамето на тиркизниот килим на отворањето на Евровизија за да се фотографира без него. Тоа предизвика лавина негативни коментари и осуда од јавноста, но и од Македонската Радио Телевизија.

ООУ Крсте Петков Мисирков од Радовиш потпиша договор за збратимување со училиште од Ташкопру, Општина Јалова од Турција

Пожарникарите од ТППЕ од Радовиш одржаа показна вежба за брза интервенција при појава на пожар

ОО на СДСМ, Радовиш: Поминаа шест месеци локална власт на ВМРО -ДПМНЕ во Радовиш, нови проекти нема

Платите во образование од септември ќе бидат зголемени во просек од над 3.500 денари
