Деновиве започнаа пролетните градежни активности во Радовиш, со асфалтирање на улици со комплетен водоводен и канализациски систем
Општина Радовиш започна со пролетните градежни активности, односно со асфалтирање на улици вклучувајќи комплетен водоводен и канализациски систем. Во тек е финалната фаза од изградбата односно асфалтирање на улица кејска и ул бр. 2 во урбан блок 9.
„Подобрувањето на патната инфраструктура, вклучувајќи комплетен водоводен и канализациски систем е редовна активност на општината. Знаеме дека за жал во некои делови од градот и во некои населени места, овој проблем сеуште не е решен. Тоа е нашиот приоритет број еден. Секој граѓанин мора да има современ пристап до своето живеалиште“, рече градоначалникот на Општина Радовиш Ацо Ристов кој деновиве врши увид во започнатите работни активности на терен.
Исто така градоначалникот Ристов најави дека во соработка со ЈП Плаваја започна со пролетно чистење на речното корито, а во периодот кој следува ќе бидат реализирани неколку еколошки акции за чистење на отпад и чистење на дивите депонии.
„Заедничка цел на сите е да ја подигнеме еколошката свест и да се грижиме за чиста и здрава животна средина“, вели Ристов.
Извршена е и санација на оштетените делови од патот од Подареш до Смиланци едно од најатрактивните рурални туристички места во Општина Радовиш и како што најави градоначалникот Ристов, крајна цел е конечно асфалтирање на целата траса од Подареш до Смиланци.