Радовиш
Вкупно 165 таблети за дел од учениците од основните училишта во Општина Радовиш
Во пресрет на големиот христијански празник Велигден – Христовото воскресение, денеска градоначалникот на Општина Радовиш Ацо Ристов израдува дел од учениците од основните општински училишта.
„Со доделување на вкупно 165 таблети, уште еднаш ги потврдивме севкупните заложби на градоначалникот на општина Радовиш и Министерството за образование и наука, за инклузивност, хуманост и силна поддршка на ранливите категории ученици со цел да им обезбедиме современи училишни помагала и квалитетно образование во духот на 21 век“ велат од Општина Радовиш.
Во општината денеска беа присутни учениците од ООУ „Орце Николов“ од Ињево, ООУ „Коста Рацин“ од Подареш и ООУ „Кирил и Методиј“ од Ораовица а претходно таблетите беа доставени и до ООУ „Крсте Петков Мисирков“ и ООУ „Никола Карев“.
Во име на хуманоста, солидарноста и помошта, Градоначалникот Ристов на сите присутни им посака успеси во образованието, како и топлина, мир и благосостојба во домовите за време на Велигденските празници.
Радовиш
Детската градинка во Радовиш организира работилница за уредување на дворните површини во објектите
Детската градинка во Радовиш организира работилница за уредување на дворните површини во објектите, во која се вклучија семејствата – родителите, вработените, локалната заедница.
„Тимската работа, дружење и размена на идеи секогаш дава резултати“, велат од градинката, од каде им се заблагодароват на сите оние кои се вклучија да ги разубават дворовите на Објектите, каде што престојуват нивните дечиња.
Успешно заврши проектот „Реконструкција на Домот на културата Ацо Караманов во Радовиш“ за изградба на помошен објект – натстрешница која има за цел оградување на самата зграда на Домот на култура. Оваа нова структура има значајна услужна функција, осигурувајќи полесен пристап од дворот до бината на салата на Домот.
Овој проект е имплементиран од страна на Центарот за развој на Југоисточниот плански регион со партнерство на о.Радовиш во рамки на Програмата за рамномерен регионален развој, со финансиска поддршка од Бирото за регионален развој.
Детската градинка во Радовиш организира работилница за уредување на дворните површини во објектите
Регионална средба во ОНБ „Браќа Миладиновци“ во Радовиш
Завршена изградбата на помошен објект при Домот на културата „Ацо Караманов“ во Радовиш
Во понеделник координативен состанок на субјектите, учесници на манифестацијата “СAМУН ем ТАТЛИЈА 2023“ во Радовиш
