Connect with us

Радовиш

Започнува проектот „Зонско паркирање„ во Радовиш, со кој се очекува да се реши преголемата оптовареност на сообраќајот

Media Press

Published

на

Општина Радовиш започнува со решавање на еден од најголемите проблеми со кои се соочува во изминатите години, проблемот со паркирањето по улиците во градот. Градоначалникот Ацо Ристов најави дека започнува проектот „Зонско паркирање„ со кој очекува да се реши преголемата оптовареност на сообраќајот во Радовиш, а со тоа и регулирање на постоечките паркинг места и целосно ставање под контрола на паркирањето во градот.

„На почетокот, во соработка со ОВР Радовиш ја реализиравме кампањата „ПАРКИРАЈТЕ СОВЕСНО И ОДГОВОРНО“ со цел да ја подигнеме свеста кај граѓаните за важноста на решавањето на овој проблем. Во почетокот на наредната недела, започнуваме со поставување на нова и обнова на постоечката вертикална сигнализација, преку поставување на сообраќајни знаци согласно сообраќајниот проект и новиот режим на сообраќај во нашата општина“, објави градоначалникот Ристов на својот ФБ Профил.

Во рамките на проектот како што вели Ристов, во соработка со ОВР Радовиш, ЈП Плаваја и ТППЕ Радовиш, ќе започнат и со ново обележување на хоризонталната сигнализација, односно обележување на сите утврдени паркинг места и пешачки премини, согласно сообраќајниот проект.

„Дополнително ќе бидете известени за текот и распоредот на оваа акција, со цел истата да се одвива непречено и ефективно. Она што е најважно за сите нас во овој момент е да воспоставиме високо ниво на соработка и со ваша помош да успееме да ставиме ред во сообраќајот и заедно да го решиме проблемот со паркирањето во нашата општина“, вели Ристов.

Следствено на ова, како што информира градоначалникот на Ацо Ристов, во соработка со ЈП Плаваја, ќе следуваат известувања и уште повеќе информации во делот на организирањето и се што ќе биде поврзано со зонското паркирање, каде граѓаните ќе имаат можности да даваат мислења и забелешки а се со цел, сите да бидат задоволни од решавањето на овој проблем во Општина Радовиш.

Радовиш

Промоција на трудот „ГАЈДАРСКАТА ТРАДИЦИЈА ВО РАДОВИШКО“ на авторот М-р Александар Ицов

Media Press

Published

на

Народното творештво отсекогаш било плодна почва за научни и теоретски истражувања од повеќе аспекти. Едно од таквите научни истражување е магистарскиот труд  „ГАЈДАРСКАТА ТРАДИЦИЈА ВО РАДОВИШКО“ на  М-р Александар Ицов од Радовиш, со што гајдаџиството од радовишко како  културно наследство конечно е сместено во книга.

 Во рамките на Саемот на книги кој вчера беше отворорен во ОНБ Браќа Миладиновци, беше извршена промоција на првата книга од ваков вид во Радовиш.

Промотор на овој исклучително значаен труд за радовишкото фолклорно богатство беше Проф, д-р Драган Даутовски, а свој осврт за авторто даде и Томе Постолов професор по Македонски јазик и литература.

Во својот музички настап, м-р Александар Ицов беше поддржан од професор Александар Таушанов на гитара.

Прочитај повеќе

Радовиш

Расчистено разбојништво во Радовиш, наместо пари од казино украле коверти со исплатени тикети

Media Press

Published

на

Одделението за внатрешни работи Радовиш денеска поднесе кривична пријава против К.К. (27) од Радовиш поради сомнение дека сторил кривични дела разбојништво и спречување на докажување и против М.Т. (22) и О.А. (21), двајцата од радовишкото село Покрајчево, поради сомнение за разбојништво.

Како што информираат од МВР, на 9 мај годинава, во 4 часот, М.Т. и О.А. со закана со пиштол и нож кон вработени во казино на улица Свети Спасо Радовишки одзеле два коверта со исплатени тикети за кои сметале дека има пари.

По тоа, К.К. ги фрлил предметите со кое било извршено делото во канал во близина на селото Раклиш. По преземени мерки, полициски службеници од ОВР Радовиш ги пронашле предметите. Исто така, при претрес во домот во кој М.Т. живее под наем, извршен со судска наредба, биле пронајдени и одземени марихуана и две дробилки со остатоци од марихуана.

На 16 мај лицата биле лишени од слобода и во службен разговор со полициски службеници го признале делото. Во текот на денот тие ќе бидат изведени пред судија на претходна постапка од Основен суд Струмица.

Прочитај повеќе

Радовиш

Околу 300 дечиња од ДГ„ Ацо Караманов“ од Радовиш се подготвуваат за одржување на големата завршна приредба

Media Press

Published

на

Околу 300 дечиња од ДГ „Ацо Караманов“ од Радовиш се подготвуваат за одржување на завршната приредба која традиционачно секој година се одржува по повод испраќањето на идните првачиња во прво одделение.

Овие денови односно на 16 и 18 мај се одржуваат генерланите проби за дечињата подготвени да се претстават пред своите родители и роднини.

„Завршната приредба ќе се одржи во четврток на 19 мај, со што на свечен начин околу 170 дечиња ќе бидат испратени во прво одделение“ рече диркеторката на градинката Љупка Тренчева, која активно беше вклучена во подготовките и генералните проби.

Прочитај повеќе