Connect with us

Василево

Општина Василево ќе субвенционира набавка на инвертер клими за своите сограѓани

Media Press

Објавено на

Советот на општина Василево, на својата редовна, седма седница, едногласно го усвои Предлог-правилникот за субвенционирање на домаќинствата во општина Василево за набавка и монтажа на високоефикасни инвертер клима уреди. По тој повод градоначалникот на општина Василево, Славе Андонов детално ги информираше граѓаните за суштината на овој проект, кој како што рече е негово предизборно ветување.

„На дневен ред на денешната седница е Предлог- Правилник со кој се утврдуваат начинот, постапката и критериумите за субвенционирање на домаќинствата во општина Василево за набавка и монтажа на високоефикасни инвертер клима уреди, заради поголема употреба на електричната енергија како извор на енергија и затоплување на станбениот простор  во кој живеат граѓаните. Овој проект беше ветен во мојата предизборна Програма и неговото ставање на дневен ред на денешната седница е всушност потврда дека моите ветувања пред граѓаните не се празни зборови и предизборнен маркетинг, туку осмислени проекти произлезени од потребите кои сигурно и целосно ќе бидат реализирани. Времето што доаѓа ќе ги потврди овие мои зборови.

Инаку главната цел  на овој проект е  заштита на животната средина и намалување на емисијата на штетни гасови кои се ослободуваат со користење на други извори на загревање, односно со користење на дрва, јаглен, нафта кои при согорувањето, во атмосферата испуштаат штетни гасови .

Со право на субвенционирање на трошоците за набавка и монтирање на високоефикасни инвертер клима уреди можат да се стекнат носители на домаќинства кои живеат на територијата на општина Василево, кои за затоплување на станбениот  простор во кој живеат користат тврди фосилни горива.

Субвенцијата може да се искористи за купување и монтажа на еден или повеќе високоефикасни инвертер клима уреди од трговски друштва и трговци поединци кои се регистрирани и вршат трговија, одржување и поправка на клима уреди.

За високоефикасни инвертер  клима уреди  се сметаат инвертер клима уреди со работне температура за греење од минимум -15 степени целзиусови, со енергетска класа на ладење минимум А и енергетска класа на греење минимум А и со коефициент на ефикасност SEER 5.10 и SCOP минимум 3,5.

Корисникот на субвенцијата е должен субвенционираниот клима уред да го инсталира во во местото на живеење и во наредните три години нема право да го деинсталира, како и дека нема право во споменатиот период да користи дрва, јаглен или било какви други нееколошки горива за затоплување на станбениот простор во кој е монтиран субвенционираниот клима уред.

Исто така корисникот на субвенцијата е согласен во текот на период од три години од страна на општина Василево да се вршат контроли во станбениот простор каде што е инсталиран клима уредот.

Вкупните средства планирани за субвенциите изнесуваат 800 000 денари и истите се планирани од Буџетот на општиа Василево за 2022 година, додека едно домаќинство може  да добие и искористи субвенции на максимален бруто износ од 20 000 денари, во кој износ влегуваат трошоцои за набавка и монтажа и данок на личен доход.

Распределбата на средствата за субвенционирање ќе се врши врз основа на јавен повик кој всушност е и следниот чекор од реализацијата на овој проект кој беше најавен и ветен во мојата предизборна програма.

Јавниот повик  во кој ќе биде детално објаснета целата постапка и неопходните документи,  ќе биде објавен  на огласната табла на општина Василево, на општинската официјална веб страна како и на фан страната на градоначалникот на општина Василево“, информираше градоначалникот на општина Василево Славе Андонов.

Василево

Пензионерите од Василево добија пензионерски клуб

Media Press

Published

на

Викендов,  во Домот на културата, градоначалникот на општина Василево Славе Андонов, заедно со пензионерите, со  пригодна свеченост го означија официјалното отвaрање на клубот за дневен престој на пензионерите.

„Грижата за нашите пензионери е наша обврска. Општина Василево за првпат обезбеди просторија наменета за пензионерски клуб, сместен во Домот на културата во Василево. Нашите пензионери, нашите дедовци и татковци, заслужуваат пристојни услови за секојдневно дружење, разговор и меѓусебна дружба. Ова е мал, но значаен чекор со кој покажуваме дека ги почитуваме оние кои со својот труд и посветеност ги поставија темелите на нашето општество“, стои во информацијата споделена на социјалните медиуми.

Клубот е лоциран на приземјето на Доmот на културата во Василево, во поранешните простории на ЈПКД „Турија# Василево. Општина Василево во изминатиот период изврши комплетно реновирање и адаптација на просторот кое опфаќаше малтерисување и боење на ѕидовите, поставување на нов под, нови плочки и санитарни елементи, врати и прозорци и нови светлосни тела.

Буџетот за сите планирани и реалзирани активности, согласно Договорот за јавна набавка со компанијата изведувач на работите изнесува 1 015 612 денари, средства кои општината ги обезбеди од сопствените извори на проходи.

Со Одлука на Совет просториите се дадени на користење на Здружението на пензионери на Струмица, како би можело овој пензионерски клуб непречено да функционира, односно да биде во функција на потребите на пензионерите.

Прочитај повеќе

Василево

Граѓаните на Ангелци на средба со Градоначалникот на Општина Василево, за креирање на Буџетот за 2027

Media Press

Published

на

Синоќа, градоначалникот на општина Василево Славе Андонов, беше во населеното место Ангелци, каде заедно со месното население разговараше за планираните активности, потреби и проекти кои како дел од Буџетот за наредната година би биле реализирани во ова населено место.

 Едно од приоритетните прашања, за кои граѓаните бараат решавање е дислокација на дивата депонија како и доизградба на преостанатите краци од системот за фекална канализација, со што сите домаќинства би добиле можност за приклучување.

„Буџетот го креираме заедно со граѓаните на Ангелци! Одржавме средба со жителите на Ангелци, на која разговаравме за нивните потреби и приоритети за претстојниот буџет на Општина Василево. Клучни проекти за Ангелци се:

-Целосно дислоцирање на дивата депонија

-Продолжување со асфалтирање на улиците, со цел сите да бидат асфалтирани до крајот на мандатот,

– Оградување на училишниот двор на ООУ „Гоце Делчев“

-Изградба на преостанатите краци од фекалната канализација.

 Ги повикувам сите граѓани активно да се вклучат во креирањето на буџетот, да ги споделат своите предлози и идеи и да помогнат во утврдувањето на приоритетите за нивните населени места. Заедно ги планираме проектите и ја градиме иднината на Општина Василево“, порачува градоначалникот Андонов од синоќешната средба со жителите на населеното место Ангелци. На средбата присуствуваа и Даниел Иванов – директор на ЈПКД „Турија“, Василево и Томе Спасов, директор на АД Водостопанство, подружница Струмица.

Прочитај повеќе

Василево

Општина Василево започна со креирање на Буџетот за 2027 година, преку средби со граѓани

Media Press

Published

на

Градоначалникот на општина Василево, Славе Андонов, синоќа во населеното место Радичево, одржа отворена граѓанска средба за креирање на Буџетот за 2027 година.

Граѓаните во непосредна дискусија имаа можност да ги кажат потребите за населеното место, да дават предлози, да разговараат околу приоритетите но и можностите,, се во насока на подобрување на условите во кои се одвива нивното секојдневие.

„Буџетот го креираме заедно со граѓаните! Бевме во Радичево, каде што отворено разговаравме со жителите за нивните потреби, предлози и приоритети за наредниот период.

Радичево е населено место каде што дадениот збор се претвора во реализирани проекти! Во Радичево го реализиравме нашиот најголем капитален проект – изградбата на фекалната канализација, со што покажавме дека ветувањата се исполнуваат со конкретни дела. Тоа е нашата обврска и принцип на работа. Врз основа на реалните потреби на граѓаните, ќе ги креираме и идните приоритети, со јасна цел – ветеното да го реализираме и во наредниот период! Ветеното го реализираме. Продолжуваме посветено, заедно со граѓаните!“, стои во ФБ објавата на Градоначалникот.

На средбата присуствуваа и директорот на ЈПКД „Турија“, Даниел Иванов, директорот на АД „Водостопанство“, подружница Струмица, Томе Спасов како и дел од вработените во општинската администрација.

Прочитај повеќе