Connect with us

Василево

Општина Василево ќе субвенционира набавка на инвертер клими за своите сограѓани

Media Press

Published

на

Советот на општина Василево, на својата редовна, седма седница, едногласно го усвои Предлог-правилникот за субвенционирање на домаќинствата во општина Василево за набавка и монтажа на високоефикасни инвертер клима уреди. По тој повод градоначалникот на општина Василево, Славе Андонов детално ги информираше граѓаните за суштината на овој проект, кој како што рече е негово предизборно ветување.

„На дневен ред на денешната седница е Предлог- Правилник со кој се утврдуваат начинот, постапката и критериумите за субвенционирање на домаќинствата во општина Василево за набавка и монтажа на високоефикасни инвертер клима уреди, заради поголема употреба на електричната енергија како извор на енергија и затоплување на станбениот простор  во кој живеат граѓаните. Овој проект беше ветен во мојата предизборна Програма и неговото ставање на дневен ред на денешната седница е всушност потврда дека моите ветувања пред граѓаните не се празни зборови и предизборнен маркетинг, туку осмислени проекти произлезени од потребите кои сигурно и целосно ќе бидат реализирани. Времето што доаѓа ќе ги потврди овие мои зборови.

Инаку главната цел  на овој проект е  заштита на животната средина и намалување на емисијата на штетни гасови кои се ослободуваат со користење на други извори на загревање, односно со користење на дрва, јаглен, нафта кои при согорувањето, во атмосферата испуштаат штетни гасови .

Со право на субвенционирање на трошоците за набавка и монтирање на високоефикасни инвертер клима уреди можат да се стекнат носители на домаќинства кои живеат на територијата на општина Василево, кои за затоплување на станбениот  простор во кој живеат користат тврди фосилни горива.

Субвенцијата може да се искористи за купување и монтажа на еден или повеќе високоефикасни инвертер клима уреди од трговски друштва и трговци поединци кои се регистрирани и вршат трговија, одржување и поправка на клима уреди.

За високоефикасни инвертер  клима уреди  се сметаат инвертер клима уреди со работне температура за греење од минимум -15 степени целзиусови, со енергетска класа на ладење минимум А и енергетска класа на греење минимум А и со коефициент на ефикасност SEER 5.10 и SCOP минимум 3,5.

Корисникот на субвенцијата е должен субвенционираниот клима уред да го инсталира во во местото на живеење и во наредните три години нема право да го деинсталира, како и дека нема право во споменатиот период да користи дрва, јаглен или било какви други нееколошки горива за затоплување на станбениот простор во кој е монтиран субвенционираниот клима уред.

Исто така корисникот на субвенцијата е согласен во текот на период од три години од страна на општина Василево да се вршат контроли во станбениот простор каде што е инсталиран клима уредот.

Вкупните средства планирани за субвенциите изнесуваат 800 000 денари и истите се планирани од Буџетот на општиа Василево за 2022 година, додека едно домаќинство може  да добие и искористи субвенции на максимален бруто износ од 20 000 денари, во кој износ влегуваат трошоцои за набавка и монтажа и данок на личен доход.

Распределбата на средствата за субвенционирање ќе се врши врз основа на јавен повик кој всушност е и следниот чекор од реализацијата на овој проект кој беше најавен и ветен во мојата предизборна програма.

Јавниот повик  во кој ќе биде детално објаснета целата постапка и неопходните документи,  ќе биде објавен  на огласната табла на општина Василево, на општинската официјална веб страна како и на фан страната на градоначалникот на општина Василево“, информираше градоначалникот на општина Василево Славе Андонов.

Василево

Фолкорен концерт во Сушево, Општина Василево

Media Press

Published

на

На 25 април на вториот ден од големиот христијански празник Воскресение Христово-Велигден, под покровителство на општина Василево,  КУД „Сушевски бисери“ од с.Сушево, организира фолклорен концерт, насловен како „Во чест на големата радосна вест“.

Во ритамот на македонската фолклорна музика ќе бидат изведени ора кои го отсликуваат животот на македонската нација низ вековите.

Како гости на концертот со своите изведби ќе настапат и:  ФА „Китка“, с. Ораовица, КУД „Кирил и Методи“, с. Иловица, ФА „Злевски бисери“, с. Злеово, ФА „Подарешани млади“, с. Подареш, ФА „Бучим“, Радовиш и Оркестар за народни инструменти при ООМУ  „Боро Џони“, Струмица.,

Концертот ќе се одржи на одбојкарското игралиште во с. Сушево со почеток во 15,00 часот.

Прочитај повеќе

Василево

Градоначалникот Андонов најави градежна офанзива во општина Василево

Media Press

Published

на

Денешната активност е вовед во градежната офанзива кој следува во наредните десетина денови  кога ќе бидат асфалтирани над 3 км  локални улици и патишта во вкупна вредност од околу 30 000  000 денари“, изјави градоначалникот на општина Василево Славе Андонов, кој во придружба на дел од пратениците во Републичкото собрание и членови на Советот на општина Василево присуствуваше на почетокот на асфалтирањето на улицата во Градашорци која води од Домот на културата кон индустриската зона.

Градежната компанија ангажирана од Општина Васиево започна со асфалтирање на улицата во населеното место Градашорци, која води од Домот на културата кон индустрискта зона во должина од 432 метри и ширина од 5 метри од кои 3,5 се асфалтна лента и банкини од двете страни по околу 0,75 м.

Вкупниот буџет за реализација на овој проект изнесува 2 493 495 денари, средства кои општина Василево ги обезбеди преку Проектот за поврзување на локални патишта кој се реализира од страна на Министерството за транспорт и врски со финансиска поддршка од Светска Банка.

„На терен, преку  конкретни дела ствараме подобри услови за нашите сограѓани. Нивните потреби, барања и приоретите се наша обврска на чие реализирање, посветено работам од првиот ден на мандатот“, изјави градоначалникот Андонов на стартот,  на како што ја нарече, градежната офанзива во општина Василево.

Прочитај повеќе

Василево

Еколошките активности во општина Василево продолжуваат и во месец април

Media Press

Published

на

Активностите на расчистување и отстранување на сметотот од населените места кои општина Васаилево во соработка со ЈПКД „Турија“ Василево ги стартуваше со подобрувањето на временските услови пред почетокот на пролетта, во континуитет продолжуваат и во месец април.

Според информацијата од градоначалникот на општина Василево Слаев Андонов, екипите на ЈПКД „Турија“, Васлево работеле на расчистување на наносите од земја во центарот на населеното место Пиперево и улицата која води кон црквата. Во населеното место Владевци расчистена е дивата депонија а  со механизација извршено е порамнување на полскиот пат и негово оспособување во пресрет на засилините земјоделски активности.

Во населеното место Василево активноста е спроведена на  влезот од кај индустрискта зона односно просторот  покрај индустриските објекти од каде е отстранет комуналниот  отпад и диво израстената вегетација. Со активноста опфатен е и влезот на населеното место Добрашинци.

Со апел до граѓаните да се однесуваат поодговорно и отпадот да го депонираат на местата одредени за тоа, градоначалникот Андонов најавува дека општиата и комуналното претпријатие, посветено,  продолжуваат со еколошките активности и во останатите населени места.

Прочитај повеќе