Василево
Пролетно чистење во село Едрениково, општина Василево
„По барање на граѓаните пролетното чистење на улиците продолжи во с.Едрениково“, информира градоначалникот на општина Василево Славе Андонов.
Активноста, како и оние од претходните денови во кои се чистеше на други локации низ населените места на општина Василево, ја спроведуваат екипите на ЈПКД „Турија“, со механизација и рачно, зависно од условите и потребите на конкретната активност.
Во населеното место Едрениково конкретно е работено на отстранување на наталожениот земјен нанос од асфалтната коловозна лента, како и порамнување на земјените патишта.
Пролетните еко-активности низ населените места на општина Василево продолжуваат и во наредниот период.
Синоќа во населеното место Пиперево заврши Меморијалниот турнир во мал фудбал Ч’крче 2023 година, кој и годинава се одржа под покровителство на општина Василево. Во конкуренција од вкупно 14 екипи победник беше екипата на Спорт лајф, кои во финалето со резултат од 4:2 ја совладаа екипата на Вики маркет.
Во дуелот за третото место екипата на Алуметал Стил ги совлада ривалите од К1 и се пласираше на третото место.
Организаторот имаше обезбедено парични награди за најдобрите екипи и тоа: 40 000 денари за прво пласираните, 20 000 денари за вторите, 10 000 денари за третопласираните и 10 000 денари за четвртите.
На турнирот беа прогласени и наградени и најдобрите поединци: Игор Гонев од Вики маркет за најдобар голман доби дрес, Трајче Димитров од екипата на Спорт лајф за најдобар играч и Никола Радојчиќ од екипата на Алуметал стил за најдобар стрелец. За нив организаторот имаше обезбедно фудбалски топки.
На турнирот натпревар одиграа и две екипи во јуниорска категорија и тоа ФК Единство и Агро Глобал и двете од населеното место Пиперево, кои, според зборовите на организаторот се иднината и продолжувачите на овој традиционален Турнир. За нив беа обезбедени медали.
„Чинот на моето присуство на турнирот е најдобриот показател за мојот и односот на општина Василево кон поддршката на спортот во општина Василево и негувањето на спортскиот дух, а со тоа и промоцијата на спортот меѓу младите на општина Василево,“, изјави градоначалникот на општина Василево, Славе Андонов, кој присуствуваше на Турнирот.
Меморијалниот Турнир Ч’крче се одржува во во чест и спомен на прерано починатиот Славе Стојанов – Ч’крче од населенто место Пиперево. Турнирот започнува на празникот Петровден.
Со полагање свежо цвеќе пред спомен плочата која се наоѓа на влезот во населеното место Радичево, денеска беше одбележана 82-годишнината од средбата на струмичката и радовишката младина на која биле поставени темелите на идната заедничка револуционерна соработка.
За настаните од тој период, за целта и мотивите на тогашната средба беше прочитан реферат.
Пред спомен плочата се поклонија делегаии од општина Василево и од општинските одбори на Сојузот на борците од Струмица и Струмичко и Радовиш.
Детската градинка во Радовиш организира работилница за уредување на дворните површини во објектите
Регионална средба во ОНБ „Браќа Миладиновци“ во Радовиш
Завршена изградбата на помошен објект при Домот на културата „Ацо Караманов“ во Радовиш
Во понеделник координативен состанок на субјектите, учесници на манифестацијата “СAМУН ем ТАТЛИЈА 2023“ во Радовиш
