Connect with us

Василево

Општина Василево масовно се приклучи на еко акцијата ЗА ЧИСТИ РИДОВИ

Media Press

Published

на

Масовно, со преку 100 учесници, општина Василево се приклучи кон еколошката акција ЗА ЧИСТИ РИДОВИ, која се спроведе на просторот околу брана Турија.

„Акцијата е повеќе од успешна и ветуваме дека ќе стане традиционална“, е ставот на градоначалникот на општина Василево Славе Андонов, кој уште од првиот ден на својот мандат им објави војна на дивите депонии во општината и со личното учество во активностите е пример и мотиватор за останатите граѓани.

Колку за потсетување, за само неколку месеци исчистени се дивите депонии на влезот во населените места Нова Маала, Сушево, Василево, Чанаклија, Радичево и Пиперево; исчистени се атмосферските канали во населените места Градашорци, Седларци, Пиперево, Добрашинци, Ангелци и Радичево; исчистени се главните учлици во Василево и Пиперево; по повод почетокот на пролетта во заедничка  еколошка акција со учество на училиштата, градинката, комуналното претпријатие и членовите на општинскиот совет посадени се околу 300 садници на повеќе локации во повеќе населени места.

„На сите нас е да се грижиме за околината, зашто само заедно може да придонесеме за зачувување и подобрување на животната средина. За поубаво Василево“, апелира  градоначалникот Андонов.

Василево

Во Сушево се одржа Mеѓународен фолклорен фестивал „Весело на сред село“

Media Press

Published

на

Викендот во селото Сушево во организација на КУД „Сушевски бисери“, а под покровителство на Општина Василево се одржа првиот Меѓународен фолклорен фестивал „Весело на сред село“.

На фестивалот, покрај домаќините настапија и КУД „Негорци“ од Негорци, ФА „Подарешани млади“ од Подареш, гостите од Србија и Бугарија, Здружението „Марко Цара Миланович“ од Каоник, Крушевац, НЧ „Антон Панов-1962“ од село Самуилово, Петрич, ЖПГ „Самуилски славеи“ и Танцова група и Танцова школа „Тепсихора“ од Дупница.

Добредојде на сите учесници им посака градоначалникот на општина Василево, Славе Андонов, кој истакна дека токму преку овој фолклорен фестивал со музиката и фолклорот се навраќаме на нашите корени, на изворот од каде ја црпиме енергијата, ги оживуваме спомените кои не поврзуваат низ годините и се наша водилка и инспирација за следните предизвици.

Прочитај повеќе

Василево

Со механизација, ангажирана од општина Василево се чисти поројот во село Сушево

Media Press

Published

на

Со механизација, ангажирана од општина Василево, деновиве во населеното место Сушево се одвиваат активности за чистење на отворениот канал, попознат како  порој. Големи количини на наталожена земја и вегетација се отстрануваат од коритото на каналот, чија примарна функција е апсорбирање и канализирање на водите кои надоаѓаат за  време на врнежи и можат  да бидат особено опасни, доколку неконтролирано се излеваат.

Градоначалникот на општина Василево Славе Андонов, ги најави и планираните активности кои ќе се реализираат во наредните денови.  „Во населеното место Сушево наредните денови ќе се изврши уредување и на јавните површини во пресрет на празникот Рождество на Пресвета Богородица“.

За наредниот период, како што најави Андонов во населеното место Василево,  планирано е и чистење на бетонскиот трапезен канал, во близина на ООУ „Гоце Делчев“ во Василево.

Прочитај повеќе

Василево

КУД „Сушевски бисери“, организира Прв меѓунареден фолклорен фестивал

Media Press

Published

на

Во организација на КУД „Сушевски бисери“ од с. Сушево, на 18.09.2022 година (недела), со почеток во 17,00 часот,  на одбојкарското игралиште во с. Сушево, ќе се одржи Меѓунареден фолклорен фестивал „Сред село весело“.  Како што информира организаторот, доколку временските услови не се поволни, односно во случај на дожд, фестивалот ќе се одржи во спортската сала на ООУ „Гоце Делчев“ во с. Василево.

На фестивалот учество ќе земат културно уметнички друштва и фолклорни ансамбли од Република Бугарија и Република Србија, а од домашните, КУД „Негорци“ од с. Негорци, ФА „Подарешани млади“ од с. Подареш како и домаќинот КУД „Сушевски бисери“ од с. Сушево.

Главен покровител на Фестивалот е општина Василево.

„КУД „Сушевски бисери“, станува вистински репрезент на општина Василево и македонскиот фолклор“, напиша на својот ФБ профил градоначалникот на општина Василево, Славе Андонов, по повод организирањето на Фолклорниот фестивал, притоа потенцирајќи дека финансиската поддршка од страна на општина Василево за вакви манифестации ќе продолжи и понатаму. „Македонската традиција ќе продолжиме да ја негуваме и заедно ќе уживаме во играта и песната на овие талентирани млади луѓе“, порача градоначалникот Андонов.

Прочитај повеќе