Connect with us

Василево

Градоначалникот Андонов потпиша Декларација за подобрување и унапредување на положбата на женското претприемништво

Media Press

Published

на

Градоначалникот на Општина Василево, Славе Андонов во рамки на Националната платформа за женско претприемништво денеска ја потпиша Декларацијата за подобрување и унапредување на положбата на женското претприемништво, како придонес во развојот но  и поддршка на женското претприемништво на национално и пред се на локално ниво. Декларацијата му беше доставена од координаторката на Националната платформа за женско претприемништво за Југоисточниот плански регион, Ксенија Вангелова.

„Препознавајќи го женското претприемништво како сила која продонесува во развојот на претприемачкиот екосистем и воопшто економијата во земјата се обврзуваме да ја демонстрираме нашата заложба за подигање на политиките за значењето на женското претприемништво на национално и локално ниво“, стои меѓу другото во Декларацијата што денес ја потпиша градоначалникот Славе Андонов.

Ставот на градоначалникот Андонов е дека согласно своите можности и во рамки на законските овластувања ќе се залага за создавање на поволно деловно опкружување и соодветна поддршка за развој на претприемничкиот потенцијал на жените; ќе биде партнер во креирањето на реформскиот процес преку поттикнување на поголемо учество на жените во процесот на одлучување, како и зајакнување на капацитетите на граѓанските организации за женско претприемништво и формирањето на локални клубови за женско претприемништво.

Заложба на Андонов ќе биде и промовирањето на позитивни примери на жени претприемачи како двигатели на промените во јавната политика, со што ќе се придонесе и за поголема видливост на платформата и активно ќе се промовира родовата активност.

Василево

Во Сушево се одржа Mеѓународен фолклорен фестивал „Весело на сред село“

Media Press

Published

на

Викендот во селото Сушево во организација на КУД „Сушевски бисери“, а под покровителство на Општина Василево се одржа првиот Меѓународен фолклорен фестивал „Весело на сред село“.

На фестивалот, покрај домаќините настапија и КУД „Негорци“ од Негорци, ФА „Подарешани млади“ од Подареш, гостите од Србија и Бугарија, Здружението „Марко Цара Миланович“ од Каоник, Крушевац, НЧ „Антон Панов-1962“ од село Самуилово, Петрич, ЖПГ „Самуилски славеи“ и Танцова група и Танцова школа „Тепсихора“ од Дупница.

Добредојде на сите учесници им посака градоначалникот на општина Василево, Славе Андонов, кој истакна дека токму преку овој фолклорен фестивал со музиката и фолклорот се навраќаме на нашите корени, на изворот од каде ја црпиме енергијата, ги оживуваме спомените кои не поврзуваат низ годините и се наша водилка и инспирација за следните предизвици.

Прочитај повеќе

Василево

Со механизација, ангажирана од општина Василево се чисти поројот во село Сушево

Media Press

Published

на

Со механизација, ангажирана од општина Василево, деновиве во населеното место Сушево се одвиваат активности за чистење на отворениот канал, попознат како  порој. Големи количини на наталожена земја и вегетација се отстрануваат од коритото на каналот, чија примарна функција е апсорбирање и канализирање на водите кои надоаѓаат за  време на врнежи и можат  да бидат особено опасни, доколку неконтролирано се излеваат.

Градоначалникот на општина Василево Славе Андонов, ги најави и планираните активности кои ќе се реализираат во наредните денови.  „Во населеното место Сушево наредните денови ќе се изврши уредување и на јавните површини во пресрет на празникот Рождество на Пресвета Богородица“.

За наредниот период, како што најави Андонов во населеното место Василево,  планирано е и чистење на бетонскиот трапезен канал, во близина на ООУ „Гоце Делчев“ во Василево.

Прочитај повеќе

Василево

КУД „Сушевски бисери“, организира Прв меѓунареден фолклорен фестивал

Media Press

Published

на

Во организација на КУД „Сушевски бисери“ од с. Сушево, на 18.09.2022 година (недела), со почеток во 17,00 часот,  на одбојкарското игралиште во с. Сушево, ќе се одржи Меѓунареден фолклорен фестивал „Сред село весело“.  Како што информира организаторот, доколку временските услови не се поволни, односно во случај на дожд, фестивалот ќе се одржи во спортската сала на ООУ „Гоце Делчев“ во с. Василево.

На фестивалот учество ќе земат културно уметнички друштва и фолклорни ансамбли од Република Бугарија и Република Србија, а од домашните, КУД „Негорци“ од с. Негорци, ФА „Подарешани млади“ од с. Подареш како и домаќинот КУД „Сушевски бисери“ од с. Сушево.

Главен покровител на Фестивалот е општина Василево.

„КУД „Сушевски бисери“, станува вистински репрезент на општина Василево и македонскиот фолклор“, напиша на својот ФБ профил градоначалникот на општина Василево, Славе Андонов, по повод организирањето на Фолклорниот фестивал, притоа потенцирајќи дека финансиската поддршка од страна на општина Василево за вакви манифестации ќе продолжи и понатаму. „Македонската традиција ќе продолжиме да ја негуваме и заедно ќе уживаме во играта и песната на овие талентирани млади луѓе“, порача градоначалникот Андонов.

Прочитај повеќе