Connect with us

Конче

Средношколците од Конче втора недела немаат превоз до училиште

Media Press

Published

на

66 ученици средношколци од Општина Конче втора недела не одат на училиште поради проблеми со превозот до СОУ „Коста Сусинов“ во Радовиш.

Денеска реагираа и од Сојузот на средношколци од каде соопштија дека учениците од Конче втора недела немаат превоз за до училиштето во Радовиш. Оттаму бараат од општината Радовиш да им обезбеди бесплатен превоз на учениците, затоа што, како што велат, е нивна должност.

„Не само што 66 ученици изгубија цела недела настава, туку превоз до СОУ „Коста Сусинов“ нема и за време на оваа недела. Сојузот на средношколци ја повикува Општина Радовиш да ја исполни својата законска обврска. Превозот до училиштетото е право на секој ученик, а не привилегија дарувана од институциите. Истиот не е знак на нивна добра волја, туку должност кон граѓаните и средношколците“, реагираат од Сојузот на средношколци, од каде додаваат дека Сојузот презема обврска да го информира и Народниот правобранител за овој проблем.

 Со проблемот е запознаен и градоначалникот на Општина Конче Златко Ристов, кој рече дека тие ја завршиле целата постапка за доделување на линии,  ја  утврдиле цената корегирана со покачување од 30% и ја доставиле до СОУ Коста Сусинов, Радовиш.

„Останува  училитетето да склучи договор до превизниците“ рече Ристов во врска со овој проблем.

Конче

Практична обука за справување со шумски пожари на пожарникарите од доброволното противпожарно друштво од Општина Конче

Media Press

Published

на

Дирекцијата за заштита и спасување во соработка со Општина Конче реалзира практична обука на противпожарното друштво од Општина Конче за справување со пожари на отворен простор во пресрет на летниот период. Обуката беше спроведена во соработка доброволни противпожарни друштва од Битола, Прилеп и Радовиш а беа вклучени и претставници од ПС од Радовиш и од  Здравствниот дом од Радовиш.

На 27 април се спроведе теоретски дел од обуката по што селдуваше и практичлна обука со  цел да бидат подготвени надлежните институции за справување со природни непогоди пред се  шумски пожари  и пожари на отворен простор.  

Во првиот дел тимовите пожарникари беа запознаени со материјално техничките средства и целата опрема која се користи при гаснење на шумски пожари од страна н Александар Ангелески магистар за заштита од пожари и  координатор на проектот.

Прочитај повеќе

Конче

Спроведена еко акција Генералка Викенд 2022, на локација покрај езерото Мантово, собрани над 200 вреќи отпад

Media Press

Published

на

Околу 100 волонтери во организација на Општина Конче , ЈПКД Лакавица и Рудник Боров Дол, викендот учествуваа во Генералка Викенд 2022 , еко акција која се спроведе на локација покрај езерото Мантово на потегот од Влашки колиби до браната каде беа собрани над 200 вреќи отпад.
За прв пат беше организирано и чистење на езерските води од страна на искусни нуркачи од клуб за подводни активности Охрид.


Од Општина Конче изразуваат благодарност до сите учесници во акцијата која беше спроведена со цел за подигање свеста кај граѓаните за поголема грижа кон природата и зачувување на чиста и здрава животна средина.

Од Општина Конче посебно изразуваат благодарност до компанијата
МЕН ЕНД МАУНТЕН која во соработка со Пакомак и Скопска Пивара  ја организираа акцијата Генералка Викенд на територија на општината односно на езерото Мантово.

Преку собраниот отпад за 10 килограми отпад од Министерство за земјоделство и шумарство и водостопанство и Министерството за животна средина и просторно планирање ќе бидат доделени дрвца кои ќе бидат засадени на територија на општина Конче.

Прочитај повеќе

Конче

Еколошка акција “Генералка Викенд 2022” ќе се спроведе на езерото Мантово

Media Press

Published

на

Општина Конче и ЈПКД “Лакавица” во недела на 08 мај годинава од 09:30 до 13:00 часот, на местото локалитет Влашки колиби на езерото Мантово, ќе организира еколошка акција “Генералка Викенд 2022” во организација со компанијата “Мен енд маунтен” во партнерство со Пивара Скопје и Пакомак.

“Генералка Викенд 2022” ќе се спроведе во викенд населбата и крајбрежјето на езеро Мантово , каде основна цел е да собереме што е можно повеќе отпад кој ќе биде транспортиран до најблиската ПАКОМАК или локална станица за отпад. Со секои 10 кг отпад, се добива едно дрвце за засадување преку Министерството за земјоделство и Министерството за животна средина и се придонесува во засадувањето на нови пристапни шуми. “Генералка викенд 2022”, е една од активностите кои ги спроведуваме за да придонесеме во подигнување на јавната свест за потребата од собирање и рециклирање на отпадот и позитивно да влијаеме за зачувување на животната средина“, велат од Општина Конче.

Оттаму додаваат дека воедно во склоп на “Генералка Викенд 2022” за прв пат под покровителство на Рудник “Боров Дол” и општина Конче ќе се изврши чистење на езерските води со искусни нуркачи од клубот за подводни дејности „Охрид“.

„Упатуваме повик до граѓаните од општина Конче и граѓани од соседните општини што помасовно да се вклучат во акцијата со цел за зачувување и создавање на чиста животна средина“, стои во апелот од Општина Конче.

Прочитај повеќе