Општина Конче започнува со средби со граѓаните со цел прибирање на предлози и идеи за креирање на општинскиот Буџет за наредната година.

„Ве повикуваме да се вклучите со Ваши идеи и проекти за изготвување на БУЏЕТ за 2024 година. Сите идеи доставени до Општина Конче, ќе бидат разгледани и согласно потребите планирани и креирани во наредниот Буџет. Започнуваме на 10.12.2023 год. во училишна зграда Дедино со почеток во 12 часот. Продолжуваме во Конче , во дом на културата со почеток во 14 часот“ објави градоначалникот Златко Ристов на социјалните мрежи, повикувајќи ги граѓаните да земат масовно присуство.

Одржана завршна презентација на проектот NETOURAL кој успешно го спроведе Општина Конче во изминатите две години, прекуграничен проект со република Грција, а во партнерство со здружението Туристички сојуз од Струмица.

Градоначалникот Златко Ристов во своето обраќање спомна што се е направено преку овој проект во Општина Конче и колку е значаен за промовирање на културното и природното наследство.

Преку овој проект во Општина Конче се уредени простории за промовирање на туризмот и за потребите на општината.

Општина Конче наскоро ќе започне со изградба на прочистителна станица на отпадни води за населено место Ракитец, за што се обезбедени средства и е потпишан договор за реализација на овој проект.

На јубилејната 15-та година од постоењето на Центар на Југоисточен плански регион, градоначалникот на Општина Конче Златко Ристов потпиша договор за реализација на проект-Изградба на прочистителна станица на отпадни води за населено место Ракитец, во вредност од 8.631.200 денари, каде 5.184.482 денари се обезбедени преку ЦРЈИПР, односно Биро за рамномерен регионален развој , а остатокот од општински средства.

„Со тоа се врши заштита на животната средина каде ќе вложиме повеќе средства во иднина…Продолжуваме со грижата за чиста и еколошка средина во сите населени места!“ објави градоначалникот Ристов на социјалните мрежи.