Радовиш
Ќе има ли доволно огревно дрво за граѓаните и по која цена, од Подружница Плачковица -Радовиш смируваат
Граѓаните да не паничат ќе има доволно огревно дрво и за оние кои не склучиле досега договор, велат од ЈП „Национални шуми“, Подружница – Плачковица. Според раководителот Ивана Божинова поради големиот интерес за краток временски период, биле принудени да престанат со склучување договори. Но по завршувањето на тендерската постапка за сеча и превоз, како што рече Божинова ќе продолжат со склучуване на договори.
Онаку за околу еден месец биле склучени договори за 7.000 метри кубни огревно дрво за следната грејна сезона, а само за споредба за минатата сезона биле испорачани вкупно 12.000 метри кубни.
Од Подружница Плачковица велат дека огревно дрво има доволно согласно планираната количина.
Цените засега се непромените но има најава за промена на истите, за што граѓените ќе бидат известени. Еден кубик дабово дрво се продава по цена од 2450 денари како и претходните години, а еден метар кубен бука се продава по 2370 денари . Покрај овие два вида огревно дрво има и друга категорија за која за еден кубик купувачите треба да се издвојат 1860 денари.
Инаку во јавноста се шират информации дека во моментот само приватните компании продаваат огревно дрво, но според тоа што го утврдивме на терен во овој период и тие не испорачуваат, и по се изгледа ќе ја анализираат состојбата, како енергетската криза ќе се одрази врз цената. Според она што го дознаваме тие вршат сеча на огревно дрво од закупени проватни шуми.
Денес за прв пат во Радовиш, но и во Македонија се одржува САЕМ ЗА ЛОКАЛЕН РАЗВОЈ – ЛАГ ЕКСПО 2022. Учесници се тимот на Програмата на УСАИД за развој на заедницата, имплементирана од Мрежата за рурален развој на Северна Македонија и Балканската мрежа за рурален развој поддржана од We Effect, во соработка со ЛАГ Плачковица како домаќин и ЛАГ Абер 2015, ЛАГ Беласица-Огражден, ЛАГ Бојмија и ЛАГ Малеш-Пијанец како партнери. На настанот се обратија Џери Дајбл, претставничка на Канцеларијата на УСАИД во Северна Македонија и Абдулшуќур Абедини заменик министер за земјоделство, шумарство и водостопанство. Помеѓу присутните се и градоначалници на општините од регионот како и претставници од граѓанскиот и приватниот сектор од државата и земјите од Западен Балкан и ЕУ. ЛАГ ЕКСПО 2022 е прв саем од ваков тип во нашата земја каде низ презентации и панел дискусии претставници на Локалните акциски групи (ЛАГ-ови) од Македонија, Албанија, Србија, Косово и Хрватска ги претставија своите активности и дискусии за локалниот развој кој ги засега сите рурални заедници. САЕМСКАТА МАНИФЕСТАЦИЈА започна со свечено отварање од страна на градоначалникот на општина Радовиш г-дин Ацо Ристов. Поставени се штандови од повеќе општини кои ги претставија своите производи и активности кои се реализираат на териториите на ЛАГ-овите Бојмија, Беласица-Огражден, Малеш-Пијанец, Абер 2015 и Плачковица, пропратено со пригодна културно-уметничка програма.Целта на настанот е да се презентираат и да се споделат искуствата на Локалните акциски групи од Република Северна Македонија, како и од земјите на Западен Балкан и Европската Унија согласно LEADER пристапот како дел од политиките за локален/рурален развој.Програмата на УСАИД за развој на заедницата го унапредува одржливиот развој на руралните средини во Северна Македонија преку зголемена вклученост на локалните чинители во препознавање и приоретизација на вистинските потреби на заедницата – при тоа потпирајќи се на сопствените ресурси и на зголемениот ангажман на јавниот, приватниот и граѓанскиот сектор во заедничките социо-економски и еколошки иницијативи.
Радовиш
Радовиш ќе биде домаќин на САЕМ ЗА ЛОКАЛЕН РАЗВОЈ – ЛАГ ЕКСПО 2022, во организација на ЛАГ Плачковица
Радовиш
Реализиран настан „Возење велосипеди – промовирање на велосипедот како превозно средство“ во организација на ООУ Никола Карев, Радовиш
ООУ „Никола Карев“, Радовиш денеска реализира настан „ВОЗЕЊЕ ВЕЛОСИПЕДИ – ПРОМОВИРАЊЕ НА ВЕЛОСИПЕДОТ КАКО ПРЕВОЗНО СРЕДСТВО.
„Настанот се организира по повод Меѓународниот ден на мирот – 21 Септември и Меѓународниот Ден без автомобили 22 Септември, а во согласност со програмата на училиштето за одбележување на еколошки и други важни датуми“, истакна директорот на ООУ Никола Карев, Радовиш, Кире Јанковски.
Настанот се реализира со ученици од предметна настава за време на 4-ти час.
Истиот беше обезбеден со полициска придружба и асистенција на утврдената маршрута, со претходно доставено барање до надлежниот орган, ОВР Радовиш.
Намален интересот за користење на природен гас во Струмица
Реконструиран објектот на итната медицинска служба во Струмица
Општина Конче доби донација од ,,Тика,,
Радовиш, домаќин на САЕМ ЗА ЛОКАЛЕН РАЗВОЈ – ЛАГ ЕКСПО 2022
