На 09.05.2022 во 04.00 часот во Полициската станица во Радовиш вработената А.Е. (33) пријавила дека во казино во Радовиш две лица со закани кон неа се обиделе да одземат пари од касата. Се преземаат мерки за расчистување на случајот.

На 08.05.2022 во 20.30 часот во Гевгелија полициски службеници од Полициската станица Гевгелија го лишиле од слобода Д.С. (19) од Гевгелија, кој агресивно се однесувал кон нив додека вршеле службени дејствија. За настанот бил запознаен Јавен обвинител од основното јавно обвинителство Гевгелија. По целосно документирање на случајот ќе биде поднесен соодветен поднесок.

На 08.05.2022 во 21.05 часот во Полициската станица Гевгелија Т.В. (71) од Гевгелија пријавил дека околу 21.00 часот во неговото дворно место бил физички нападнат од М.С. и Д.С. и двајцата од Гевгелија. Се преземаат мерки за расчистување на случајот.

На 08.05.2022 во 19.30 часот во Полициска станица Радовиш е пријавено дека во село Конче, радовишко, бил нарушен јавниот ред и мир со физичка пресметка помегу Е.А. (36) и К.У. (29) и двајцата од село Конче. Се преземаат мерки за целосно расчистување на случајот.

На 08.05.2022 во 18.20 часот во Полициската станица Валандово З.З. (54) од село Грчиште, валандовско, пријавил дека во нива на место викано „Пештера“ во атар на село Грчиште бил физички нападнат од П.З. (58) од истото село. По целосно расчистување на случајот ќе биде поднесена соодветна пријава.

На 08.05.2022 во 15.30 часот во Полициската станица Радовиш, В.М.(76) од Радовиш пријавила дека на улица „Јане Сандански“ во Радовиш била касната од куче скитник

Министерството за внатрешни работи 2021 година ја прогласи за година со најмал број на жртви во сообраќајот во последните 15 години.

„Министерството за внатрешни работи, а со тоа и Секторот за внатрешни работи Струмица, во чија надлежност се СВР Струмица и Одделенија за внатрешни работи Радовиш, Гевгелија и Валандово безбедноста на учесниците во сообраќајот ја третира како приоритетен сегмент во работењето“, вели портпаролот на СВР Струмица Александра Трајанова.
„Како резултат на ваквото работење и преземањето на активностите 2021 година беше прогласена за година со најмал број на жртви во сообраќајот во последните 15 години, а ова беше случај и на подрачје на СВР Струмица.
Имено, во 2021 година бележиме намалување бројот на жртви во сообракајот за 50% споредбено со претходната година, односно за разлика од 2020 година кога на подрачје на овој сектор имало 16 жртви при случени сообраќајни незгоди, во 2021 година овој број изнесуваше 8, што претставува двојно намалување. Посебно би го нагласила фактот дека во 2021 година на подрачјето на Одделението за внатрешни работи Радовиш нема ниту една жртва при случени сообраќајни незгоди.
Позитивниот тренд во врска со бројот на жртви во сообраќајни незгоди го задржуваме и годинава, односно во првото тромесечје од 2022 година на подрачјето на секторот има 3 жртви,исто како и 2021 година, а во месец Март 2022 година нема ниту една жртва при случена несреќа, за разлика од Март минатата година кога имавме 2 жртви„ вели Трајанова во изјавата.
Воедно Секторот за внатрешни работи упатува благодарност до граѓаните и сите учесници во сообраќајот кои со своето однесување даваат придонес за поголема безбедност, која е во интерес на сите.

„Тоа е наша заедничка одговорност и сите заеднички мораме да го подигнеме нивото на сообраќајна култура, а како министерство тоа го правиме секојдневно, како преку превентивните, така и преку репресивните мерки спрема прекршителите на сообраќајните правила и прописи“ додава портпаролот Александра Трајанова.

Вчера во периодот од 08.00 до 12.00 часот на подрачјето на Секторот за внатрешни работи Струмица била спроведена акциска контрола за прекршоците што ги прават пешаци во сообраќајот.

Притоа, биле констатирани 18 прекршоци – преминување улица надвор од пешачки премин, од кои 8 во Струмица, 4 во Радовиш и по 3 во Гевгелија и Валандово. Сите констатирани прекршоци биле соодветно санкционирани.