Connect with us

Свет

Русија рано утринава ја нападна Украина

Media Press

Published

на

Путин го објави почеток на воена операција во Украина и ги предупреди другите земји дека секое мешање во руските акции ќе доведе до последици какви што досега не се видени. Тој кажа дека нападот е потребен за да се заштитат цивилите во источна Украина, што САД претходно предупредија дека би можел да биде лажен изговор за инвазијата.

Во телевизиското обраќање, Владимир Путин им порача на украинските војници во регионот Донбас да го положат оружјето и да се вратат дома.

„Русија не планира да ја окупира Украина, но одговорот на Москва ќе биде брз ако некој ѝ се спротивстави на Русија. Украинскиот народ треба слободно да избере кој ќе ја води земјата“, изјави Путин

Украинскиот парламент, денеска го потврди указот на претседателот Зеленски за воведување воена состојба на територијата на целата земја, пренесоа украинските медиуми.

Најмалку осум лица загинаа, а девет се ранети во руските гранатирања утринава, изјави советник на министерот за внатрешни работи на Украина откако Русија изврши масовен воздушен и копнен напад врз соседната земја.

Русија рано утринава започна специјална воена операција за одбрана на народот во Донбас, а Украина прогласи воена состојба.

Претседателот на Белорусија, Александар Лукашенко, утринава изјави дека нема да бидат дел од руската операција.

Свет

Во замокот Винздор, денеска ќе биде погребана кралицата Елизабета Втора

Media Press

Published

на

Денеска ќе биде погребана кралицата Елизабета Втора во замокот Винздор покрај принцот Филип. Погребот ќе биде прикажан во парковите, плоштадите и кината низ Велика Британија, потврди владата.

Планирано е ковчегот со телото на кралицата да биде во Парламентот во Вестминстерската сала до 10:45 часот по локално време (11:45 часот по наше), а потоа со кочија да биде префрлен во Вестминстерската опатија, која се наоѓа во непосредна близина, придружуван од кралот Чарлс III и постарите членови на кралското семејство.

Комеморацијата започнува во 11 часот по локално време (12 часот по наше време) и трае еден час, а завршува со две минути молчење.

По богослужбата во опатијата, ковчегот во кој се наоѓа телото на кралицата ќе биде пренесен со лафет на Кралската морнарица низ Лондон, во придружба на семејството до Велингтон Арх, поминувајќи покрај  Бакингемската палата .

Поворката ќе пристигне во 15:00 часот (16:00 часот по наше време) до замокот Виндзор, каде што ќе се изврши богослужбата и погребот, а погребот во Виндзор ќе започне околу 16:00 часот (17:00 часот). Крајот на погребот е и крај на јавниот дел од погребот на Елизабета Втора, нејзиниот ковчег ќе биде положен во капелата Свети Ѓорѓи, до нејзиниот сопруг принцот Филип (Филип), околу 19:30 часот по локално време (20: 30) без присуство на јавноста.

Од македонска страна пак претставник е претседателот Пендаровски кој во придружба на неговата сопруга и оддаде почит на кралицата.

Прочитај повеќе

Свет

Доларот во пад втор ден по ред, падна и цената на нафтата

Media Press

Published

на

НА ДЕВИЗНИОТ пазар вредноста на доларот во однос на кошничката валути падна втор ден по ред и дополнително се намали од највисокото ниво во последните 20 години.

Индексот на доларот кој ја покажува вредноста на американскиот долар во однос на другите шест најважни светски валути се движи околу 107,50 поени, додека вчера во ова време изнесуваше 107,78 поени.

Курсот на доларот во однос на јапонската валута падна од вчерашните 138,35 на 137,95 јени, исто така ослабе во однос на европската, па цената на еврото достигна 1,0135 долари, додека вчера во ова време беше 1,0105 долари.

Цените на нафтата, пак, утрово благо паднаа, откако вчера скокнаа за околу 5 отсто.

Цената на барелот на лондонскиот пазар се намали за 0,39 отсто, на 105,85 долари, додека на американскиот пазар цената на барелот се намали за 0,19 отсто, на 102,40 долари.

Прочитај повеќе

Свет

Путин и Ердоган денеска имаат важна средба

Media Press

Published

на

Рускиот претседател Владимир Путин и неговиот турски колега Таип Ердоган ќе се сретнат денеска во Техеран за да разговараат за извозот на жито од Украина.

Рускиот претседател Владимир Путин треба да отпатува за Техеран за да се сретне со Ердоган и со иранскиот претседател Ебрахим Раиси, како дел од таканаречениот формат Астана на разговори поврзани со Сирија, соопшти Кремљ минатата недела.

„Прашањето за извозот на жито од Украина ќе се разговара со Ердоган… Подготвени сме да продолжиме да работиме на тоа“, изјави во понеделникот Јуриј Ушаков, советник за надворешна политика на Путин.

Прочитај повеќе