Одделението за внатрешни работи Гевгелија ги информира жителите на Гевгелија и околните населени места дека во деновите 19.05.2022 и 22.05.2022 година во времето од 07.00 до 15.00 часот ќе спроведе активности со боева муниција на место викано „Караорман“.

На 26.04.2022 во Гевгелија, полициски службеници од Полициската станица Гевгелија ги лишиле од слобода А.К.(23) од село Прдејци, гевгелиско, Л.Б.(23) од Гевгелија, Р.В.(28) од село Стојаково, гевгелиско и С.М.И.(29) од Гевгелија. Тие, вчера околу 01.00 часот на улица „Миле Пецанов“ во Гевгелија физички го нападнале Ј.К.(22) од Неготино и одзеле патничко моторно возило „бмв“ со неготински регистарски ознаки, пари, мобилен телефон и други предмети кои биле во возилото.

За настанот бил запознаен Јавен обвинител од Основното јавно обвинителство Гевгелија, а во текот на вчерашниот ден против лицата била поднесена кривична пријава поради сомнение за сторено кривично дело „разбојништво“ по член 237 став 4 од Кривичниот законик, по што од судија на претходна постапка им била определена мерка домашен притвор, информира МВР.

Перо Рујковски од гевгелиско Миравци  кој во неколку наврати донираше крвна плазма за болни од Ковид-19 во земјава, бара помош за физикална терапија. Како што ни изјави потребни му се средства за лекување со оглед на проблемот со левиот бубрег но и силните болки во пределот на половината заради што тешко се движи. Како што вели тој е невработен и има четири деца и тешко врзува крај со крај па се замолува сите добронамерни луѓе и институции да донираат за помош

,, Не сум во можност да ги набавам ниту потребните лекови а камоли да одам на физикална. Затоа се обраќам за помош до сите оти верувам дека постои хуманоста и верувам во неа,, ни изјави Рујковски кој ја приложи и својата трансакциска сметка за донации.

Перо вели дека во Гевгелија на државно немало физикална, па затоа морал да оди до Негорски бањи, а секое одење до таму го чинело 500 денари, а рој самиот и семејството живеат од социјална помош.