Потпретседателот на ОК на ВМРО-ДПМНЕ од Радовиш со контра прес: Тие оставија пустош во училиштата, градинките
„Во изминатиот период тие оставија пустош во училиштата, градинките и здравството“ вели потпретседател на ОК на ВМРО-ДПМНЕ од Радовиш и Советник во Советот на Општина Радовиш Александар Кулашиќ на денешната прес конференција, како
одговор на одржаниот прес на
советничката Симона Цветаноски од СДСМ
„Веруваме дека Симона е правник со некупена диплома. Таа добро знае дека градинките се во надлежност на Министерството за труд и социјала односно на партијата која што и таа припаѓа.
Во изминатиот период тие оставија пустош во училиштата, градинките и здравството. Наместо да обезбедат согласност и трајно да го решат вработувањето на негувателките во градинките преку надлежните министерства тие во стилот на Заев, живи луѓе ке јадиме, од портир до чистач ке истераме генерираа проблеми и меѓусебно се јадеа и политички се изедоа.
Народот ги казни, изгубија на локалните избори.Тие не решаваат проблеми, тие генерираат проблеми, а и самите се проблем за себе, за СДС за државата. Општинското раководство на СДС во Радовиш е во тотален хаос.
Симона прави спинови да се ослободи од лично чувство на вина за пустошот и проблемите кои ги оставија свесна дека СДС е чамец кој тони и уплашена од способноста на мнозинството во Советот на Општина Радовиш, како и креативноста и способноста на градоначалникот Ацо Ристов сака лично политички да поентира и да прави каква – таква лична кариера во распаднатиот СДС.
Симона Цветаноски како координатор на Советничката група на СДСМ и Коалицијата, на вчерашната прес конференција обвини дека децата во детската градинка „Цветови“ во Радовиш, околу еден месец се оставени без негувателска грижа.
„ Повеќе од 10 дена децата во детската градинка Ацо Караманов, во Радовиш, се оставени без негувателска грижа, поради неспособноста на локалната власт на ВМРО-ДПМНЕ и градоначалничкот Ацо Ристов. Потребно е сите негувателки коишто седат дома да се повикаат да продолжат со работа како би продолжило редовното и нормалното работење во детските градинки. Потребно е ветувањето коешто беше дадено од страна на градоначалникот на една од претходните седници на Советот каде што вети дека сите негувателки коишто се дома ќе почнат со работа од 01.02.2022 година да се реализира. Денеска сме 02.02.2022 година, се уште не се повикани“, рече Цветаноски на одржаната прес конференција.