ЛАГ „Плачковица“ со проект за искористување на сончевата енергија уште пред да се случи енергетската криза
Уште пред да се случи енергетската криза од која се засеганти сите граѓани во државата, а пред се општините и јавните институции, ЛАГ ,,Плачковица’’ во 2020 и 2021 година, реализира проект со цел искористување на сончевата енергија и нејзино претварање во електрична, за потребите на јавните институции.
За таа цел беа инсталирани Фотонапонски панели на кровот на СОУ „Коста
Сусинов“ во Радовиш и на општинската зграда во Конче со што овие две институции
ќе добиваат пониски сметки за струја и до 60 одсто.
Со фотонапонски панели енергија
ќе произведуваат и зградата на Основното училиште во населбата Три Чешми во
Штип и градинката во село Таринци од општина Карбинци кои ќе ја пласираат во
мрежата на ЕВН, а за возврат ќе добиваат пониски сметки за
струја.
Како што не инфомираше
Столе Ѓеоргиев од ЛАГ,, Плачковица’’ станува
збор за проект финансиран од Националната програма за рурален развој и четирите
општини со цел зголемување искористување на сончевата енергија.
„Не знаевме дека ќе има
енергетстка криза, но сега заклучуваме дека проектот сме го реализирале во вистинско време. Годишното производство од секој панел посебно ќе изнесува од 6.000 до
12.000 киловат-часови. Вкупните заштеди изнесуваат од 40 до 60 проценти“, вели
Столе Ѓеоргиев од Локалната акциона група Плачковица.
Тој додава дека струјата што ја произведуваат фотонапонските панели се предава на операторот ЕВН и на крајот од секој месец се врши израмнување на сметките со што овие институции плаќат пониски сметки речиси за половина.