Радовиш
Се затвори слаткарница ШУШ МУШ во Радовиш, згасна 80-годишна традиција
Published
2 години agoна
By
Media PressСе затвори слаткарница ШУШ МУШ во Радовиш, згасна 80 годишна традиција. Радовиш останува без уште едно значајно и препознатливо место за градот. Нема радовишанец кој не влегол барем еднаш во слаткарница Шуш Муш и не се почестил со убавите слатки, сладолед или бурек. Но како што вели еден од сопствениците Мустафа Лика, на се му доаѓа крај доколку нема кој да ја продолжи традицијата, така е и во овој случај.
Во слаткарница ШУШ МУШ или слаткарница „Македонија“ како што всушност се вика, се раѓаа и првите симпатии , првата љубов, средби помеѓу пријатели и познаници, со слатка и чаша боза или лимонада, се раѓаа и нови пријателства.
На многумина ќе им недостадува добро познатиот бурек од Шуш Муш, боза, тулумби, еклери, сладолед и посебно традиционалната татлија. Радовишани и денеска доѓаа и прашуваа за бурек, изненадени дека веќе не работи.
Поврзани содржини
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Левица -Радовиш денеска заедно со граѓаните на градскиот пазар
Маж и жена физички нападнати во угостителски објект во Радовиш, пријавиле во полиција
Изложбата на авторката Лејла Куртов од Конче пристигнува и во Радовиш
Секојдневна физичка активност, денот го започнува со млеко и мед, тоа е тајната на дедо Ѓорги од Радовиш кој наполни 100 години
Со пригодна свеченост Здравствен Дом Радовиш денеска го одбележа 7 ми Април Светскиот ден на Здравството
Радовиш
Винарија Кукутанов е нова радовишка винска приказна
Published
2 дена agoна
април 17, 2024By
Media PressДолгoгодишното искуство за правење на вино, силната винска страст и поволните климатски услови во радовишкото поднебје, придонесоа за отворањето на Винарија Кукутанов, која веќе на самиот почеток со своите високо квалитетни вина се наметнува на домашниот и регионалниот пазар.
Со капацитет за производство од 30.000 шишиња годишно, Винарија Кукутанов е нова радовишка винска приказна за која тек ќе се зборува. За почеток, фокусот е на добропознатите Шардоне и Р’кацители, уникатното Розе, добиено од автохтоната сорта на грозје Радовишка (Ж’та) прачка и елегантното Мерло „зачинето“ со радовишки тероар, вина наменети за страсните љубители на винoто. Уникатноста и квалитетот на Кукутанов вината се нивен заштитен знак, а оние кои еднаш ќе ги пробаат им остануваат верни.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Published
4 дена agoна
април 15, 2024By
Media PressИзложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Published
5 дена agoна
април 14, 2024By
Media PressОпштинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.