Конче
По објавените информации за новодно загадување на езерото Мантово, од Рудникот Боров Дол излегоа на увид и ќе ги презентират сите факти во јавноста
Published
2 години agoна
By
Media PressИмајќи ја предвид потребата да бидат презентирани сите факти, пред директно посочување и обвинување на ДПТУ Боров Дол ДООЕЛ Радовиш по повод загадување на вештачкото езеро-акумулација Мантово во Општина Конче, од Боров дел со известување до јавноста.
По објавената информација во јавноста од вчера 27 декември за потенцијалната контаминација од работењето на рудникот Боров Дол и загадување на вештачкото езеро-акумулација Мантово во Општина Конче, денеска беше извршен увид на посочените локации. Во присуство на Градоначалникот на Општина Конче, генералниот директор на Боров Дол, вработено лице во АД Водостопанство подружница Радовишко поле, стручните екипи на рудникот, заедно со надлежните органи од Државниот инспекторат за животна средина (ДИЖС) извршија теренски увид, земени се примероци од водата и почвата со цел проценување на присуството на потенцијалните штетни хемикали, како и одредување на видот на истите.
„Примероците од вода и почвата се доставени на понатамошни детални лабораториски испитувања во акредитирани лаборатории и треба што побрзо да се обработат, а добиените резултати од анализите ќе бидат доставени до надлежните органи, како и јавно објавени за јавноста и засегнатите страни.
Дополнително, во текот на утрешниот ден Државниот инспекторат за животна средина (ДИЖС) ќе спроведе уште еден теренски увид за проверка на состојбата со животната средина на посочените места, како и земање на мостри за понатамошни анализи и утврдување на фактичката состојба на терен“, соопштуваат од рудникот Боров Дол во врска со настанатата ситуација.
Излегувањето на терен го потврди и градоначалникот на Општина Конче Златко Ристов, кој рече дека заедно со менаџерскиот тим на Боров Дол и инспекциските служби извршиле увид и земени биле примероци од водата и од почвата за анлиза. Резултатите се очекуваат за три до четири дени со што очекува да биде информиран јавноста за што станува збор.
„Засега од менаџерскиот тим на Боров Дол велат дека не станува збор за загадување“, вели Ристов.
Од рудникот Боров Дол додаваат дека за целосно запознавање на јавноста и засегнатите страни, рудникот за бакар Боров Дол работи во согласност со утврдените норми и стандарди од системот за заштита на животната средина според А-Интегрирана еколошка дозвола, во која што се вклучени условите за работа, задолженијата, мерките и активностите кои што треба да земат предвид за заштита на животната средина. Воедно, редовно ги следи влијанијата врз животната средина и извештаите ги доставува до надлежните институции.
„Рудникот Боров Дол ДООЕЛ Радовиш работи транспарентно и одговорно. Овозможува отворен директен и транспарентен пристап до информации и теренски увид на сите институции, граѓански здруженија, како и на локалното население и медиумите за какво било појаснување или одговор во секое време„ стои во известувањето од Боров Дол.
Поврзани содржини
Градоначалникот на Општина Конче со апел до граѓаните да не ги ОПОЖАРУВАТ (палат) своите земјоделски површини и пошумени имоти
Изложба “Рурална жена низ објективот” на која ќе бидат претставени 19 фотографии и 17 животни приказни, на 10 март во Општина Конче
По отворањето на клуб на пензионери во с.Ракитец, отворен клуб на пензионери и во Долни Липовиќ
Одбележан празникот Свети Трифун во Општина Конче
СООПШТЕНИЕ до сите Верници во Општина Конче
Возило за потребите на БК.Бучим Шампиони Конче, заедничка донација на Општина Конче и рудникот за бакар Боров Дол
Конче
Градоначалникот на Општина Конче со апел до граѓаните да не ги ОПОЖАРУВАТ (палат) своите земјоделски површини и пошумени имоти
Published
3 недели agoна
април 2, 2024By
Media PressГрадоначалникот на Општина Конче Златко Ристов, со апел до граѓаните да не ги ОПОЖАРУВАТ (палат) своите земјоделски површини и пошумени имоти.
„Почитувани граѓани на Општина Конче , би сакал да упатам апел до сите граѓани кој што обработуват земјоделски површини и сите оние граѓани кои од други причини имаат потреба да се движат по шумските делови и земјоделските површини , да не ги ОПОЖАРУВАТ (палат) своите земјоделски површини и пошумени имоти . Како резултат на таквата негрижа во вчерашниот ден беше предизвикан шумски пожар од кој беше предизвикана огромна материјална штета на дабова шума во м.в ,,Брестиви дол” , атар на село Габревци!!!“ стои во апелот од градоначалникот Ристов.
Конче
Поставување на нова урбана опрема во населените места во Општина Конче
Published
4 недели agoна
март 26, 2024By
Media PressОпштина Конче деновива започна со поставување на нова урбана опрема во населените места во општината. Според градоначалникот Златко Ристов ќе биде поставена урбана опрема во централните подрачја на сите населени места со цел да се подобрат условите на граѓаните.
Конче
Голем број на посетители на Изложбата на aвторката Лејла Куртов “Рурална жена низ објективот” во Општина Конче
Published
1 месец agoна
март 11, 2024By
Media PressВчера во Домот на Култура во Општина Конче се одржа првата самостојна изложба на дигитална фотографија со која авторката Лејла Куртов полека но сигурно ги крши стереотипите на нашето општество за тоа што претставува руралната жена.
На изложбата на авторката Лејла “Рурална жена низ објективот” која се одржа во домот на културата во Општина Конче, присутни беа голем број посетители.
Настанот беше збогатен со настап на КУД Конче, како и вкусните специјалитети со кои Општина Конче се гордее.
Покрај фотографиите , посетителите имаа прилика да видат и краток Документарен филм на кој се прикажани културните богатства на оваа Општина, но и животните приказни на овие моќни жени .
Овој настан беше предводен од Модераторот Златко Јанкулов и презентерката на “Животните приказни на руралните жени” Катерина Василева .
Авторката вели дека ова е само еден убав почеток , а инспирацијата за нови настани и изложби ја црпи од преголемото културно богатство кое го поседува Општина Конче.