Радовиш
Рудниците Бучим и Боров Дол донираа 100 прехранбени пакети за социјално ранливи семејства во општините Радовиш и Конче
Published
2 години agoна
By
Media PressРудниците Бучим и Боров Дол и годинава донираа, прехранбени пакети за социјално ранливите семејства во општините Радовиш и Конче, за поубави и посреќни празници. Прехранбените пакети како и новогодишните пакетчиња беа доставени до ОО на Црвен крст во Радовиш, од каде ќе бидат доставени до семејствата. Од менаџерскиот тим на двата ридника се надеваат дека ќе ги разубават празниците на овие граѓани.
Мобилните тимови на Црвениот крст ќе ги достават пакетите до социјално ранливите семејства согласно списокот од Центарот за социјални работи во Радовиш, а рудниците Бучим и Боров Дол обезбедија и превоз за достава.
Исто така беа донирани и новогодишни пакетчиња за Турското хуманитарно здружение од Радовиш како и за Здружението „Мобилност“ во Радовиш.
Вакви донации рудникот Бучим а од годинава и рудникот Боров Дол, реализираат секоја година во пресрет на Новогодишните и Божиќните празници, со цел поубави и посреќни празниците за сите.
Поврзани содржини
Црвен крст – Радовиш со хуманитарна акција за подарување на прехранбени пакети на социјално загрозени семејства
Адвокатско друштво Пепељугоски со донација за учениците од ООУ „Никола Карев“ -Радовиш, ПУ во Бучим, Парналија и Тополница
Донација од Општина Фрибург- Швајцарија за Општина Босилово во вредност од 78.000 франци
Советот одржа итна седница, Општина Радовиш ќе донира 500 илјади денари за помош на настраданите во земјотресот во Турција и Сирија
Адора инженеринг донираше финансиски средства за настраданите во земјотресот во Турција и регионот
Градоначалникот на Општина Конче Златко Ристов ја завршува оваа година со хумано дело
Радовиш
Винарија Кукутанов е нова радовишка винска приказна
Published
1 ден agoна
април 17, 2024By
Media PressДолгoгодишното искуство за правење на вино, силната винска страст и поволните климатски услови во радовишкото поднебје, придонесоа за отворањето на Винарија Кукутанов, која веќе на самиот почеток со своите високо квалитетни вина се наметнува на домашниот и регионалниот пазар.
Со капацитет за производство од 30.000 шишиња годишно, Винарија Кукутанов е нова радовишка винска приказна за која тек ќе се зборува. За почеток, фокусот е на добропознатите Шардоне и Р’кацители, уникатното Розе, добиено од автохтоната сорта на грозје Радовишка (Ж’та) прачка и елегантното Мерло „зачинето“ со радовишки тероар, вина наменети за страсните љубители на винoто. Уникатноста и квалитетот на Кукутанов вината се нивен заштитен знак, а оние кои еднаш ќе ги пробаат им остануваат верни.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Published
4 дена agoна
април 15, 2024By
Media PressИзложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Published
4 дена agoна
април 14, 2024By
Media PressОпштинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.