Радовиш
Истражување на „Женска акција“: За три години се пријавени околу 390 случаи на семејно насилство во општините Радовиш и Конче
Објавено на
Од
Media PressВо рамките на кампањата „16 дена активизам против родово базирано насилство“ Асоцијацијата за унапредување на статусот на жената во Македонија „Женска акција“ од Радовиш, спроведе улична акција во центарот на градот со делење на картички со препораки за помош и поддршка на жртвите и како тие д постапуваат во одредена ситуација. Иванка Ризовска Соколова како претставник од „Женска акција“ во интервју за Телевизија Кобра рече дека во рамките на проектот „Институционализирање на квалитетни сервиси за рехабилитација и интеграциија на жени жртви на насилство“ спроведено е истражување за последните три години, кое покажува дека во општините Радовиш и Конче бројот на жртви на семејно насилство пораснал, а институциите не се доволно подготвени да им помогнат.

„Иако насилството врз жени и семејно насилство е декларативно признаено како значаен проблем на македонското општество, сепак не се посветува доволно внимание за негово решавање. Обезбедувањето на помош на жртвите на насилство, особено институционално честопати отсуствува, што најчесто е последица на перцепцијата на граѓаните дека семејното насислтво е приватен проблем“, рече Соколова.

За три години се пријавени околу 390 случаи од кои 330 се жени а останатите се мажи. само во 2020 година има околу 150 пријави на семејно насилство кое според Соколова е како резултат на Ковид пандемијата. Соколова вели дека според нивното истражување бројот на жртви на семејно насислтов е многу поголем и околу 80% од жените не го пријавиле насилството во институциите.
Соколова се надева дека заедно со Општина Радовиш ќе успеат да отворат црнтар за психо- социјална поддршка за да им помогнат на жртвите за семејно насилство. Според неа неколку закони треба да претрпат промени за да им се помогне на овие жртви.
Поврзани содржини

„Женска акција“ Радовиш реализира проект „Дигитални вештини – Предизвици и можности за жените“

Женска акција со поддршка на осмомартовскиот марш „Сиромаштијата има женско лице“

„Женска акција“ одржа неколку фокус групи со жени од општините Радовиш и Конче

Работилница за јакнење на капацитетот на локалните власти за вклучување на родовите аспекти, се одржа во Радовиш

Јавна дебата на тема „Родова нееднаквост и предизвиците со кои се соочуваат жените во локалната заедница“
Радовиш
Заврши Меѓународната трибина за архитектура и градителство во Радовиш
Published
1 месец agoна
октомври 7, 2026By
Media Press
Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.
На трибината уште еднаш беше отворено прашањето за аргументите и „оправданоста“ од употребата на индустриски градежни материјали при реставрација и реконструкција на спомениците на култура.
Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан.
Трибината претставуваше можност за размена на знаења и искуства меѓу студентите, стручните лица, мајсторите и граѓаните, за зачувување и афирмација на традиционалните градителски системи.
ЦКН „С и К“ – Радовиш
Георги А. Кочев, диа.
Радовиш
Радовиш домаќин на меѓународната трибина „КУЛТУРНО НАСЛЕДСТВО“
Published
2 месеци agoна
септември 17, 2026By
Media Press
Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство.
Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.
На трибината се очекува учество на имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот македонски академски сликар Мирослав Миро Масин.
Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.
Традицијата и културното наследство како темел и иднина.
Учесници
– арх. Никола Кипровски – Белгија
Архитектура и некои природни материјали
– проф, др. Минас Бакалчев
Хроника на една школа:
Архитектонска летна школа во манастирот Св. Јоаким осоговски, 1992 – 2017
– проф. др. Донка Барџиева Трајковска
Средновековните градителски системи и реставрацијата на византиските цркви
– Во рамките на „Трибината за архитектурата во Радовиш“, својата поддршка ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.
Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.
Наставен тим: проф. Виолета Бакалчев,
доц. Бранислава Ѓорѓевиќ
доц. Нина Карангелеска.
– арх. Викторија Митева
Ревитализација на централното градско подрачје во Радовиш – Магистерски студии – МИТ универзитет
– Проекција на документарен филм за југословенскиот архитект Богдан Богданович
– СПЕЦИЈАЛЕН СПОНЗОР – АЛКОНИНГ – Софија, преставништво Скопје
арх. Ивана Цимешиќ
– Стаклени фасади како интеграција на современата архитектура во историски јадра.
– маш.инг. Славе Ѓоргиев – КНАУФ Македонија
Аналогија помегу античките системи за греење, ладење и вентилација и современите системи на Кнауф.
ПРАКТИЧНА НАСТАВА
– Васила Трајковски – зограф и конзерватор – средновековни градителски системи
– арх. Ѓорги Ѓоргиев – Бугарија – сводови, куполи и арки
– Дејан Спасович скулптор и градител – заборавени градежни техники со глина, вар, тула, дрво и камен
Организатор ЦКН Радовиш, селектор – арх. Георги А. Кочев
Радовиш
Пронајдени и одземени дабови дрва по извршен претрес во домот на лице од радовишко Коџалија
Published
2 месеци agoна
септември 11, 2026By
Media Press
На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.
При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!



