Градоначалникот на Општина Радовиш Ацо Ристов започна со реализација на нови проекти кои не беа предвидени во изборната програма
Градоначалникот на општина Радовиш Ацо Ристов започна со реализација на проектите кои ги ветуваше пред граѓаните,во изборната програма, но и такви кои не беа предвидени но се реализираат за поубав и помодерен Радовиш.
На влезот во Радовиш, односно на делот од магистралниот пат до бул. „Александар Македонски“ започна изградбата пешачка и
велосипедска патека.
„Во текот на изборната кампања говоревме дека има разлика во понудата и народот ја препозна таа разлика. Сега имаме обврска да покажеме на дело дека постои разлика. Со изградба на пешачка и велосипедска патека, како и со поставување на ново улично осветлување, ќе се отстранат повеќегодишните проблеми на овој дел од градот и ќе се добие ново уредување со кое ќе се подобри и сигурноста на пешаците и на самиот сообраќај во целост“, рече Ристов при денешниот увид во работните активности.
Тој спомна дека овој проект не бил предвиден во програмата но произлегол како потреба на граѓаните и затоа се реализира.
Инаку ова е прва фаза од овој проект, веќе следната година ќе биде предвидено и изградба на нова коловозна лента, додава Ристов кој за еден месец од преземањето
на функцијата градоначалник ја започна или ја продолжи реализацијата на повеќе
инфраструктурни проекти во Општина Радовиш.