Општина Радовиш ги известува сите даночни обврзници, правни и физички лица, од Општина Радовиш и населените места, да ги пријават сите настанати промени во текот на 2021 година, кои се однесуваат на данокот на имот и комуналната такса. Оние даночни обврзници кои ги немаат одмирено сите давачки од данокот на имот и комунална такса, заклучно со 31.12 .2021 год. тоа да го сторат во најкус можен рок , во спротивно данокот на имот и комунална таксата ќе се наплатуваат по присилен пат, а со тоа ке настанат и дополнителни трошоци, кои ќе бидат на терет на даночните обврзници.
Исто така, граѓаните можат да пријават неправилности во досегашната пресметка на
висината на пресметаниот данок, со цел истите да бидат отстранети. Проценител ќе излезе на терен да ја утврди фактичката состојба и тоа ќе биде основа за пресметка на данокот на имот за 2022 година. Пријавите, без административна такса, можат да се достават во ЕЛС-Радовиш – одделение за даноци, надоместоци и такси во период од 7:30-15:30 часот.
Пријавувањето трае од 06.12.2021 – 31.01.2022 година.
За поднесување на даночна пријава за утврдување на данок на имот за 2022 година е потребно даночна пријава за утврдување на данокот на имот за 2022 година (образец ди) поднесува даночен обврзник ( правно и физичко лице ) сопственик, корисник или плодоуживател на стамбени објекти, административни згради, деловни простории, градежно неизградено земјиште, кои служат за вршење на дејноста на обврзникот и сите други објекти како во градските населби така и во селските населби вклучувајки ги оние од ридско планинските подрачја.
Од 01.01.2008 год , обврска за поднесување на даночна пријава за имот има и за оној имот кој досега бил ослободен од одредбите на досегашниот закон.
Обврзници на данок на имот се:
1.правни и физички лица сопственици на имот;
2. правни и физички лица корисници на имот, во случаи кога сопственикот не е познат или не е достапен;
3. плодоуживател на имот согласно законот
4.ако имотот е сопственост на повеке лица, секој од нив е обврзник на данок на имот сразмерно на сопственичкиот дел;
5.правно и физичко лице корисник на недвижен имот во сопственост на државата и општината;
6.правни и физички лица кои дополнително се стекнале со имот во текот на предходни години, а не го пријавиле;
7. Имотот кај кој настанале промени во вредноста (изградба, доградба, довршување, проширување);
НАПОМЕНА:
1. Даночен обврзник кој поднел даночна пријава за данок на имот во 1994г. или во наредните години, а кај кого нема промена во сопственоста или вредноста на имотот, не поднесува даночна пријава;
2. За неподнесување даночна пријава, даночниот обврзник ќе се казни со парична казна согласно законот за данок на имот;
3. Проверка на терен како и точноста на сите досега пријавени податоци ќе ја врши даночен инспектор од ЕЛС Радовиш.
Даночната пријава се поднесува во одделението за даноци, такси и надоместоци на Општина Радовиш најкасно до 31.01.2022 година.